Hugsanir Baunans

Danskt grasekkjulíf

2008-11-28T21:59:00.007+01:00

Þá er loks kominn tími á eins og eitt blogg héðan frá grasekkjunni á Kagså... Verður að viðurkennast að bloggið var eiginlega nær dauða en lífi eftir kreppuna ógurlegu sem ríður yfir Klakann, en grasekkjan ákvað að athuga hvort ekki væri hægt að blása smá lífi í þetta.

Ekki er nú mjög mikið að frétta af mér, ekki mikið sem gerist hjá dönskum grasekkjum þessa dagana nema próflestur og skóli... það er þó hellingur búinn að gerast síðan síðasta blogg var skrifað. Atlinn búinn að koma í heimsókn til grasekkjunnar sinnar, Kagsåfest haldin með pompi og prakt þar sem gert var óspart grín af útrás Íslendinga og kreppunni ógurlegu! Rannslan skrapp svo stuttan túr til Íslands núna í nóvember, hitti vini og ættingja ásamt að fara í frábæra bústaðarferð með vinahópnum hans Atla. Frábær ferð í alla staði þó svo að stutt væri stoppað, enda ekki margir dagar sem maður hafði á Klakanum :o)

Það styttist svo óðum í að Rannslan haldi heim fyrir jól, en ég flýg heim 13. des. Þá er planið að taka góða próflesturstörn fram að jólum, halda jól í nokkra daga, aftur próflestur, halda áramót og drífa sig svo út 1. janúar og í þetta skiptið með kallinn í farteskinu. 5. janúar verður svo fyrsta próf þessarar annar.... þannig dagskráin verður nokkuð þétt næstu vikur...

Ætla ekki að hafa þetta mikið lengra í bili, skelli inn nokkrum myndum hér með blogginu, en ekki af miklu að taka þar sem ég hef verið einstaklega löt við að mynda grasekkjulífið hér í Köben.

Sendi bestu kveðjur úr próflestri og dönskum jólalögum.... jább aðal reglan mín um að byrja ekki að hlusta á jólalög fyrr en 1. des hefur verið brotin, en telst nú ekki með þar sem þetta eru mest dönsk jólalög ;o)

Smá fíflagangur ;o)

Sæt og fín hér, smá uppstilling hjá Atla

Íslensk kreppa og útrás hyllt á Kagsåfest :o)

Eva Ösp, Inga og Ranna á Kagsåfest

Köbenlíf...

2008-09-18T23:13:00.007+02:00

Jæja lesendur góðir þá er víst íslenska sumarið á endan og Rannslan snúin aftur til Köben, en þó karlmannslaus.... Jamm Atli verður víst heima á Klaka þessa önnina að vinna og Rannslan því dönnuð, dönsk grasekkja fram að jólum... En best að hætta þessu væli, ekkert gaman að velta sér uppúr því.
Síðan Rannslan kom til Köben hefur nú ýmislegt gerst, skólinn byrjaður á fullu og líst mér bara nokkuð vel á komandi önn sem mun snúast um heyrnarfræði og lestur, nokkuð spennandi fög þar á ferð. Einnig hefur mikið verið að gera í matarboðum og hittingi, þessar fáu íslensku hræður sem Rannslan þekkir og eru eftir hér í Köben hafa verið ansi duglegar að púkka uppá dönnuðu grasekkjuna með ýmiskonar uppákomum. Þar ber helst að nefna Hildi frænku og Kristínu skólafélaga, matarboð, búðarferðir hafa verið nokkuð tíðar síðustu daga, Rönnslunni til mikillar ánægju ;o)

Síðustu helgi komu svo hinar heimsfrægu Skonsur (vinkonuhópurinn minn) hingað til Köbenhavn. Þær gistu á gamla góða Saga hótel og ákvað ég að slá til og gista bara með þeim yfir helgina þar sem maður býr í svoddan útnára hér í Herlev, ekkert gaman að vera skrölta ein heim hvert einasta kvöld... Þessi ferð þeirra skonsa heppnaðist með miklum ágætum, strikið og Köbmagergade þræddar upp og niður, þó ekki hafi verið verslað nein ósköp enda blessað gengið í hæstu hæðum.

Smá sýnishorn úr verslunarleiðangri...þreyttar skonsur ;o)

Barir borgarinnar voru auðvitað einnig þræddir og athugað hvort nokkuð væri athugavert við bjórinn og kokteilana, svo virtist þó ekki vera eins og meðfylgjandi mynd sýnir :o)

Á sunnudeginum var svo skellt sér í hámenningarlega túristaferð í Cristjaníu þar sem að allar búðir borgarinnar voru lokaðar. Skonsurnar voru yfir sig hrifnar af fríríkinu og var mikið skoðað, en þó ekki fjárfest í neinu...

Drollurnar flugu síðan heim á leið á sunnudagskvöld og Rannslan hélt þreytt og ánægð upp í sveitina í Herlev, alveg búin á því eftir mjög svo annasama helgi.

Svo er það bara skólalíf þessa dagana hér í Köben, einnig er Rannslan duglega að telja niður í 17. október, en þá ætlar Atli að heiðra grasekkjuna með nærveru sinni í rúmlega heila viku!! Ekki nema 29 dagar eftir :o)

Ætla að skella nokkrum myndum inn í Almbúm hér til hægri á síðunni, en held ég hafi ekki nennu í það í kvöld, kemur inn á allra næstu dögum. Þess skal getið að ég gerðist svo kræf að stela þessum myndum hjá þeim yfirskonsum Dröfn og Hjördísi þar sem að myndavélin okkar Atla er heima á Klaka. Vonum að þær fyrirgefi mér stuldinn ógurlega...

Segjum þetta gott í bili af fréttum úr Köben, vonandi líður ekki of langur tími þar til næsta fréttaskot kemur inn ;o)

Ein settleg og fín af okkur Hjördísi, svo ég standi nú undir nafni sem DANNAÐA grasekkjan í Köbenhavn.

Það er komið sumar, sól í heiði skín...

2008-05-06T22:14:00.002+02:00

Sælt veri fólkið! Langt síðan síðast, en nenni ekki að vera afsaka það....aðeins bloggleti í Rönnslunni um að kenna. Síðan síðasta færsla var skrifuð hefur nú margt skemmtilegt gerst hér hjá okkur skötuhjúum í Köbenhavn en þar sem gamla liðið er víst farið að kalka aðeins, enda orðin í heild 53 ára!! mun ég aðeins segja frá því nýlegasta.

Undanfarna daga hefur verið æðislegt veður hér, bongóblíða uppá hvern einasta dag! Við Atli nýttum okkur góða veðrið og ákváðum að slá til smá afmælisveislu og bjóða vinum og vandamönnum í sólarkaffi hér í garðinum hjá okkur. Þjófstörtuðum reyndar afmælisveislunni með matarboði kvöldinu áður, þar sem Siggu og Arnari var boðið í ekta íslenskt lambalæri og með því ;o) Eftir matinn var spilað bíóbrot, mjög skemmtilegt bíómyndaspil, þar sem leikararhæfileikar okkar fengu að nóta sín ;o)

Daginn eftir var svo komið að afmæliskaffiboðinu mikla, höfðum við skötuhjú staðið í ströngu við bakstur síðustu 2 daga og er óhætt að segja að veitingarnar hafi runnið ljúft niður með nokkrum lítrum að bjór ;o) Við fengum helling af skemmtilegum gjöfum, m.a. bodsja-sett (kann ekkert að stafsetja þetta), tómatplöntu, grillbók, íslenskt nammi og margt fleira skemmtilegt.

Daginn eftir var svo ákveðið að taka góðan heilsuhjólatúr í góðaveðrinu niður í bæ og Atli prufukeyrði nýja 300 kr hjólið sitt. Við hjóluðum til Arnars og Rögnu og skelltum okkur með þeim á mjög skemmtilegan loppemarket í Bellahøj, þar sem ýmislegir furðuhlutir voru skoðaðir.

Frammundan er svo bara gott veður, (ca. 21-23 stiga hiti), skóli hjá Atla og verkefnaskila hjá Rönnslunni. Rannslan flýgur svo heim á Klaka þann 18. maí og skilur Atlan eftir hér í Köben, en hann þarf víst að klára prófin og kemur ekki heim á sker fyrr en 27. júni.

Skellti inn myndum frá Apríl og afmælisveislunni góðu í Almbúm 8 hér hægra megin á síðunni. Væri voða gaman að fá smá komment á myndirnar :o)

Hilsen úr brakandi blíðu í Köben!

Marsfréttir úr Dk

2008-03-27T22:13:00.004+01:00

Godt dag, Godt dag!! Hvordan har vi det så í dag.... Hvað segir fólkið. Loksins nennir Rannslan að setjast niður og skrifa smá fréttapistil handa Klakabúum. Af okkur Atla er allt gott að frétta, búið að vera nóg að gera í mánuðinum, heimsóknir og ferðalög ásamt vinnu og skóla. Mánuðurinn byrjaði á því að við fengum mömmu og pabba í heimsókn til okkar. Það var auðvitað frábært, farið í tuskubúðir með múttu á meðan pabbi og Atli kíktu á græjurnar. Elduðum góðan mat og kíktum út að borða á Nyhavn með Hildi frænku og Mads kærastanum hennar, mjög vel heppnað kvöld!
Á laugardegi fyrir páska tókum við Atli okkur til og tókum okkur dagsreisu til Svíþjóðar. Byrjuðum á að fara upp til Helsingør sem er hér í Danmörku, löbbuðum þar út og kíktum í búðir. Fórum svo yfir til Helsingborg í Svíþjóð með ferjunni. Þar var margt skemmtilegt að skoða, fórum meðal annars á Elvis kaffihús/matsölustað og fengum heimsins stærsta hamborgara með djúsí feitum frönskum (ekki skrítið að kóngurinn hafi dáið snemma). Löbbuðum svo um bæinn, fórum upp í kastala þar sem útsýnið var frábært, sáum m.a. yfir til Danmerkur! Frá Helsingborg var svo haldið til háskólabæjarins Lundar, þar skoðuðum við auðvitað háskólann og Dómkirkjuna þeirra. Að lokum var brunað til Malmö þar sem ýmislegt var skoðað, m.a. risastórt eggjalistaverk, Turn torso byggingin og margt fleira. Eftir þetta ferðalag var svo lestin tekin heim til Herlev. Myndir af ferðinni eru komnar inn í Albúm 7 ásamt fleiri myndum af okkur hér í dk.
Á Páskadag var svo haldið í heljarinnar dinner til Bjössa niður á Amager. Þar voru saman komnir 11 Íslendingar í páskamat þar sem deilt var niður á fólk hvað það ætti að koma með, við Atli sáum um að koma með Íslenskt læri og var það einkar vinsælt. Þetta var rosa gaman og ekki laust við að maður hafi borðað yfir sig...
Annars er held ég ekki mikið að frétta af okkur skötuhjúum, vika í að Rannslan haldi í helgarferð uppá klaka :o) Verður ljúft að koma heim og hitta familíið og vinina.
En segi þetta nóg í bili, endilega kíkið á myndirnar sem ég sett í albúm 7, væri líka gaman að fá komment á þær :o)

Íslandsferð í apríl

2008-03-03T22:16:00.003+01:00

Sælt veri fólkið, kominn tími á að segja smá fréttir héðan úr Köben. Af okkur er allt gott að frétta, Rannslan loks byrjuð í skólanum og líkar bara vel, gott að brjóta aðeins upp vinnuna með smá skóla. Annars eru helstu fréttir að Mútta og Pabbi ætla að koma í heimsókn til okkar Atla yfir helgina og hlakkar mig ekkert smá mikið til! Loksins fær maður að sýna þeim Kagsåhöllina okkar :o)
Þar sem Rannslan er orðin svo múruð eftir alla vinnuna ákvað hún að skella sér í smá helgarferð heim til Íslands, enda orðið alltof langt síðan maður hefur hitt vinkonurnar og tekið almennilegt Klakadjamm :o) Rannslan mun mæta á Klakann 3. apríl og dveljast til og með 7. apríl, býst við móttökunefnd og lúðrasveit á flugvellinum :o)
Annars bara allt gott að frétta, Atli gerði sér lítið fyrir og rúllaði upp fótboltamóti sem þeir tóku þátt í síðustu helgi. Að launum fyrir fyrsta sætið fékk hann flugmiða heim og til baka, nokkuð góður kallinn :o)
Held ég hafi voða lítið annað að segja í bili héðan úr Danmörkinni, bara farið að vora hér hjá okkur, allavega enginn snjór og læti eins og heima. Væri nú voða gott ef sumarið kæmi bara snemnma til okkar hér í Köben :o)

Nýjar myndir

2008-02-13T19:47:00.001+01:00

Komnar nýjar myndir í almbúm 6 hér til hægri á síðunni. Njótið myndanna :o)

Nóg af fréttum :o)

2008-02-12T22:50:00.000+01:00

Sælt veri fólkið! Búin að liggja í mikilli bloggleti síðan í fyrra....en þar sem Tuðklúbburinn Jóhannes er komið í málið, var ekki annað þorandi en að bæta úr þessu bloggleysi. Af okkur skötuhjúum er bara allt gott að frétta. Héldum áramót hér úti, voða rólegt og kósý.

Prófin dundu svo á okkur í janúar, og gekk nú bara nokkuð vel að komast í gegnum þau :o)
Atli byrjaði aftur í skólanum í byrjun febrúar, en Rannslan byrjar ekki fyrr en í lok febrúar. Rannslan er einnig farin að vinna, þar sem að það verður eitthvað lítið af skóla hjá henni þessa önnina (skortur á kúrsum í skólanum). Er að vinna við það sem kallast hjemmeplæje uppá dönskuna, væri hægt að þýða það sem heimaaðhlynning, þó ekki hlynna að sjúklingum, heldur er þetta gamalt fólk sem þarf hjálp með einhverja ákv. hluti. Rönnslunni líkar þetta bara mjög vel, vinnutíminn góður, búin kl 3 á daginn og hef þá frí það sem eftir er af deginum.
Það er búið að vera nóg að gera í félagslífinu hjá okkur Atla (enda svo hrikalega vinsæl hér í dk), síðasta helgi var undirlögð af matarboðum, vinaboðum og afmælisboðum! Ekki frá því að maður hafi verið hálf eftir sig eftir helgina. Við Atli enduðum svo þessa svaka helgi á því að fara saman út að borða á sunnudagskvöldinu í tilefni af því að við erum búin að vera saman í 1 ár!! ;o)

Rannslan lét svo gamlan draum rætast og keypti sér nýtt hjól, þetta er hin fínasta glæsikerra og er nú brunað um allt eins og vindurinn, Atli rétt heldur í við gelluna.

Held að þetta séu helstu fréttir af okkur hér í dk, man allavega ekki eftir fleiru í bili. Gæti meira en vel verið að ég hendi inn nokkrum myndum af lífinu hér í Köben næstu daga, ættuð að geta skoðað þær í albúmi 6 þegar þær verða komnar inn.Vona að þetta nægi bloggþyrstum lesendum í bili og að Tuðklúbburinn Jóhannes dragi sig í hlé...

Hilsner fra Köben.

9 dagar í Ísland!

2007-12-12T17:57:00.000+01:00

Hó hó hó hvað segir fólkið?
Af okkur er allt gott að frétta héðan úr lærdómnum í Köben. Rannslan er á síðustu metrunum með Ba-ritgerðina....þetta er semsagt vonandi að hafast, búið að vera langt og strangt ferli, en ótrúlega gaman að sjá loks fyrir endann á þessu.
Annars er nú bara kominn jólafílingur í okkur, farin að hlusta á jólalög og búin að versla allar jólagjafir :o) Hér vantar þó allan jólasnjó...vona bara að það verði eitthvað eftir á Klakanum þegar við komum heim. Okkur er farið að hlakka rosa mikið til að koma heim og komast í smá pásu frá skólanum.
Jóli virðist loksins hafa fattað að ég sé flutt til Danmörku, þar sem að hann kom við í mínum glugga í nótt. Skellti reyndar gjöfinni í jólasokk og hengdi á svefnherbergishurðian. En rosalega var ég nú ánægð með Jóla gamal, sérstaklega þar sem hann troðfyllti sokkinn af gjöfum ;o)

En segjum þetta nóg í bili úr lærdómnum í Köben.

Að kafna í lærdómi

2007-11-30T20:43:00.000+01:00

Hæ hó, það leynist víst eitthvað lífsmark hér á KK 80, en þó annsi takmarkað. Við Atli erum þessa dagana gjörsamlega að kafna í verkefnum, ba-skrifum og próflestri! Þannig að það skýrir að einhverju leiti bloggleysið. Annars erum við búin að hafa það rosa gott, búin að fá alveg heilan helling af gestum til okkar sem hafa náð að draga okkur frá bókunum og blása smá lífi í okkur. Halla sys kom til okkar um mánaðamótin, er óhætt að segja að daman hafi komið til að versla og djamma...og held við höfum alveg náð markmiðum okkar í þeim efnum, enda leið ekki sá dagur að ekki væri strunsað í búð og fengið sér öl á eftir ;o)
Helgina sem hún var hér, var þegar jólabjórinn kom til Köben, þvílíkt stuð í bænum og svona, set inn nokkrar myndir svo þið fáið nasaþef af stemmaranum. Eftir að Halla sys fór komu svo hinar einu og sönnu skonsur. Þær tóku sannkallað powershop enda sprungu töskur, og aðrar voru orðnar svo fullar að ég þurftu að bjarga þeim fyrir horn með aukatösku!! Skilst þó að það hafi helst verið þessar íslensku sem shoppuðu svona mikið, Saran fór víst ekki með mikið nýtt heim... Þær komu svo hingað til okkar Atla síðustu nóttin og gistu, bara kósý og gaman. Sömu helgi og stelpurnar voru hér kom Ásta Halla föðursystir í heimsókn til Köben með familíuna. Maður bauð auðvitað frænkunni í mat, og auðvitað fann maður hana á tjúttinu líka, enda ekki úrættis þessi elska :o)
En held ég sé búin að telja upp alla gesti sem ég hef fengið í mánuðinum, biðst forláts ef einhver hefur gleymst.
Annars teljum við Atli bara niður í jólafríið enda verður ekki mikið pústað fyrr en við fljúgum heim á Klaka 21. des. Verður ansi ljúft að koma heim á hótel Mömmu, fá góðan mömmumat, smákökur og bara njóta þess að vera heima á Íslandi.
Ætla henda inn myndum, þegar ég hef orku í það....svona svo þið getið aðeins skoðað myndir af lífinu héðan, þó svo ég sé svona hrikalega óduglega að blogga fyrir ykkur.
Hilsen úr geðveikinni í Köben

Kuldi í Köben

2007-10-26T22:38:00.000+02:00

Hún Dröbban mín var að óska eftir fleiri örfærslum hjá mér, fer víst alveg með hana þessi ritgerðarstíll hjá mér...og hér kemur því eitt stykki örfærsla fyrir Kúbúfarann :o)
Það er greinilegt að veturinn er kominn hingað til Köben, maður kappklæðir sig á morgnanna til að lifa hjólaferðina af niður á lestarstöð. Er búið að vera krónískt kalt á tánum í viku, en gróf upp skíðasokka og hafa þeir reddað tánum mínum frá kalblettum!
Annars er maður bara í því sama gamla, skólast og skrifa ba-ritgerð. Reyndar einhver slappleiki í Rönnslunni í dag, en vona að ég hristi það úr mér þar sem mér er boðið í afmæli á annað kveld. Styttist í að Halla sys komi, því var haldið á fund með Hildi frænku í dag eftir skóla til að skipuleggja smá dagskrá fyrir dömuna. Hitti líka Ólöfu frænku sem er í skólaferð hér í Köben. Rosa dugleg í þessum frænkuhittingi!
En þori ekki að hafa þetta lengra í bili, þar sem þá gæti þetta ekki lengur talist örfærsla....
Knús og kossar úr kuldanum í Köben, Baunin

Nýjar myndir

2007-10-22T20:48:00.000+02:00

Jæja nýju myndirnar komnar inn. Nóg að skoða, heil 98 stykki eða svo! Endilega kommentið um myndirnar. Annars ætla ég ekki að hafa þetta lengar þar sem síðasta blogg sló öll lengdarmet!!!
Hilsen, Baunin

Nýjar ferðasögur

2007-10-21T23:35:00.000+02:00

Ætli það sé nú ekki löngu kominn tími á eins og eitt blogg héðan úr danaveldi. Verður að segjast eins og er að maður er svo svakalega upptekinnn þessa dagana að lítill tími hefur gefist til að setjast við tölvuna... En nú verður bætt úr því. Rannslan er líka komin með splúnku nýja tölvu beint frá USA, þannig að nú er engin afsökun fyrir því að blogga ekki oftar.
En hvar skal byjra?? Það er alveg heill hellingur sem hefur gerst síðan ég bloggaði síðast, m.a. búin að fara í 2 skemmtilegar "utanlands"ferðir :o)
En hefjum pistilinn á skemmtilegu 31 árs afmælispartýi sem við Atli fórum í til hennar Evu Hlínar. Stúlkan ákvað að halda almennilega uppá afmælið að þessu sinni þar sem 30 afmælisveislan seinkaðist víst um heilt ár, því var fagnað tvöfalt í kk 236! Heljarinnar stuðpartý, gómsætur matur og íslensk tónlist... gerist bara ekki betra. Íbúðin troðfull af skemmtilegum íslendingum, dansaður trilltur dans í stofunni við íslenska slagara, eldhúsbar Evu stóð fyllilega fyrir sínu og svo var skroppið út í garð ef þurfti að spjalla eða tékka á sofandi börnum ;o) Tókum fullt fullt af skemmtilegum myndum en mun setja þær inn í albúmið sem komust í gegnum ritskoðunina :o)

Fimmtudaginn eftir afmælispartýið alræmda skellti Rannslan sér í stelpuferð til Osló með 7 eðalkvennsum af Kagså. Tókum risa stóra ferju seinni part fimmtudags frá Köben. Komumst að því að við vorum víst ekki mjög high class þar sem okkar káetur voru á neðsta dekki, meira að segja undir bílaþilfarinu!! En það kom ekkert að sök, mottóið var bara að komast í partý á efsta þilfarinu með heita potti og alless.... Ferjan var semsagt með nokkrum veitingastöðum þar sem mannskapurinn fór út að borða, börum, diskóteki, búðum til að sjoppa og svo sundlaug með heitum potti. Við skvísurnar nýttum auðvitað þetta allt saman , þó í mismiklum mæli...ætli barinn hafi ekki haft vinninginn ;o) Eftir gott djammkveld skreið frejan í höfn í Osló kl 9 um morguninn, við skvísur vorum auðvitað ferskarstar allra, búnar að taka morgunverðahlaðborð og alles. Tókum svo skoðunarferð um Oslóborg með rútu, shoppuðum og skoðuðum okkur um í geðveiku veðri. Klukkan 17:00 var svo siglt úr höfn í Osló til baka til Köben. Þá tók við góður heitapottur, fínt út að borða og djammerí með nokkrum færeyingum og Grænlendingum....veit ekki alveg hvernig við náðum að enda á djammi með þeim!! Ritskoðaðar myndir eru í albúminu, en myndavélin varð batteríislaus seinna kvöldið þannig að þær eru ekki mjög margar...

Má til með að segja aðeins frá einu djammi sem við Atli tókum með Arnari skólabróður Atla og Rögnu kærustunni hans. Eftir strembna lærdómsdaga var ákveðið að sletta aðeins úr klaufunum þar sem það var nú einu sinni menningarnótt Kaupmannahafnar. Skelltum okkur niður á Nørrebro þar sem þau búa og drukkum nokkra öl og snæddum ljúffenga tyrkjapizzu. Ragna var víst alveg með það á hreinu að það yrði flugeldasýning á Ráðhústorginu kl 12 á miðnætti. Eftir að hafa fengið 2 íslenska drengi á neðri hæðinni í lið með okkur var ákveðið að skella sér niður á Ráðhústorg, þar sem við vorum orðin frekar sein eins og íslendinga er siður, var ákveðið að skella sér á hjólum. Þar sem að við Atli höfðum engin hjól var ákveðið að strákarnir myndu reiða okkur stelpurnar... og ó my god!! Þetta varð auðvitað að keppni milli strákanna, brunað áfram um götur Kaupmannahafnar með 2 gólandi stelpur á böglaberaranum, held samt að ég hafi haft vinninginn. Allavega áttu hinir 2 strákarnir erfitt með að fylgja okkur eftir þar sem þeir hlógu svo mikið af mér! Við Ragna sáum náttúrurlega ekki neitt, brunað niður kannta og hraðahindranir, getið ýmindað ykkur hvað það var þægilegt að hoppa á óbólstruðum böglaberanum, svo var svingað fram hjá hjólum og bílum og við heppnar að missa ekki fætturnar við hné!! Við vorum víst heldur ekki vinsælustu ferðalangarnir á götunum, heppin að mæta ekki löggu, þar sem að er víst sektað fyrir að reiða hér í Köbenhavn. En þetta hafðist þó á endanum, þó svo að rassinn væri mjög aumur við komuna á Ráðhúspladsen, renndum inn á torgið 5 mín í 12. En komumst svo að því eftir mikla bið að það var víst engin flugeldasýning, þó svo að Ragna haldi því enn fram að hún hafi séð þetta auglýst...eitthvað að rugla saman við menningarnótt í Reykjavík... En við ákváðum þá bara að skella okkur á pöbbarölt og skemmta okkur þar. Þetta varð hið fínasta kvöld, þó svo að strengirnir í lærunum og rassinum hafi ekki verið eins skemmtilegir daginn eftir!

Mánudeginum eftir þetta hjóladjamm okkar, leigðum við Atli bíl og skelltum okkur yfir til Þýskalands. Það var haustfrí í skólanum og við fundum billigan bíl, Fiat punto, svo ákveðið var að skella sér í smá reisu. Vorum 2 daga í Hamborg í rosa góðu veðri. Fundum ódýrt hostel, en þurftum að gista í herbergi með einum öðrum. Þegar við komum lá bakpokinn hans, smápeningur, óhreinir sokkar og nærur undir rúmi.... okkur leist ekki beint á blikuna en drifum okkur bara út að skoða borgina. Þegar við komum til baka um kvöldið sáum við að hann hafði komið við, en ekkert haft fyrir því að taka saman dótið sitt. Við fórum því að sofa, bíðandi eftir að herbergisfélaginn léti sjá sig....en hann kom ekkert um nóttina...virðist hafa náð sér í dömu, gott að hann kom ekki með hana upp í herbergi til okkar :o) Í Hamborg var margt skemmtilegt að skoða, rosa flott borg með mörgum stórfenglegum byggingum, sem voru eiginlega of stórar til þess að ná á mynd. Eitt óborganlegt atriði átti sér stað þegar við ákváðum að skella okkur í smá siglingu um borgina með eins konar fljótabát, bátnum stýrði ekta þýsk kona, stór og feit, með risastór brjóst og eldrauðan varalit. Þegar leggja átti í túrinn, brunaði kellan af stað án þess að leysa landfestar, og kipptist allhressilega í bátinn og allt hristist og skalf. Þýska kellan gólaði uppyfir sig á Þýsku og bað alla viðstadda þráfaldlega afsökunar á þessu...þegar hún hafði loks náð að losa kaðalinn með hjálp einhvers herramanns, kom hún inn aftur og átti að halda ferðinni áfram. Þá áttaði sú þýska sig á að allt kaffið hennar hafði helst niður í öllum hamaganginum og gólaði hún ekki minna en áður yfir því, auðvitað alltsaman á þýsku. Við Atli lágum í kasti ásamt flestum öðrum bátsverjunum... Sú þýska var þó fljót að jafna sig á þessu og fengum við hinn fínasta túr eftir þetta...en við áttum bágt með að hætta að hlæja að greyið konunni. Eftir 2 daga í Hamborg brunuðum við niður til Köln þar sem við hittum Tobi gamlan skólafélaga Atla og kærustuna hans. Fórum fínt út að borða á Bruggeríi og smökkuðum frábæran bjór, er á því að bjórin í þýskalndi sé nú aðeins betri en sá danski, þó hann sé nú góður. Daginn eftir fór Tobi með okkur í skoðunarferð um Köln, þar sem við sáum meðal annars Dómkirkjuna þeirra sem er allsvakaleg...og skelltum okkur svo í súkkulagðiverksmiðju/safn þegar fór að rigna. Þar var borðað yfir sig af súkkulaði og kökum svo að enginn hafði lyst á mat um kvöldið. Kynntumst vel þýskum siðum og vorum dugleg að smakka á þýska matnum, fengum okkur auðvitað þýskar bratwurst með karrýsósu, og Atli var svo hugaður að fá sér svínslöpp með húð og öllu. Heimildamyndir eru í albúminu.... Eftir 2 daga í Köln var brunað heim og bílnum skilað. Lágum svo í leti það sem eftir var af haustfríinu en á morgun tekur skólinn við á ný.
Annars býð ég bara eftir að Halla sys komi til Köben, ekki nema 10 dagar í skvísuna. Hlakka til að fá hana þar sem hún hefur aldrei komið í heimsókn hingað út til mín. Svo eru það bara skonsurnar eftir tæpan mánuð, þannig það verður nóg að gera hjá mér í nóvember í gestagangi. En segi þetta nóg í bili, enda orðið heljar langt blogg. Hendi inn myndum á morgun, hef ekki orku í það núna :o)
Hilsen úr Danmörkinni, Baunin

Nýjar myndir!

2007-09-25T12:37:00.000+02:00

Dreif í því að henda inn myndunum, bæði frá Spáni og íbúðinni. Ættuð að finna þær í Albúmi 4 hérna hægra megin á síðunni. Vil síðan fá einhver skemmtileg komment á myndirnar fyrst ég er búin að hafa fyrir þessu!
Annars er það helst í fréttum að við vorum að panta okkur flugið heim um jólin, við munum lenda á Klakanum 21. des og fljúga til baka 30. des. Þetta verður því stutt stopp, en við náum nú vonandi að hitta sem flesta.
Segi þetta gott í bili, njótið myndanna.
Kv. Rannslan

Fréttaskeyti frá KK 80

2007-09-22T22:34:00.000+02:00

Jæja þá er maður LOKSINS búin að skila af sér gömlu 2 íbúðunum, ný máluðum og sótthreinsuðum. Enda hlutum við náð fyrir augum inspektorsins og vorum rukkuð um mjög lítið!! Vúhú

Við höfum svo verið að koma okkur smám saman fyrir í nýju 52 fm höllinni okkar, setja upp myndir og koma hlutunum á sinn stað. En held að höllin sé að verða bara nokkuð sæmileg útlits eftir að farið var í eitt stykki IKEA ferð og keyptar mubblur. Veit þó ekki hvort farið verið í IKEA á næstunni, þar sem að þessi IKEA ferð gekk næstum frá Atla greyinu, bæði andlega og líkamlega. Ég fæ allavega fjandsamlegt augnarráð þegar ég missi útúr mér að við þyrftum kannski að kíkja þangað við tækifæri...

Hendi inn myndum við tækifæri af pleisinu, svo þið getið séð herlegheitin en vil benda æstum lesendum og komandi gestum á að það er betra að panta gistingu í tíma, þar sem að nokkuð líklegt að gistiplássið muni rjúka út eftir að við komumst í þessa lúksus höll :o)

Ég var víst búin að lofa ykkur Spánarpistlinum sem alltaf gleymdist að skrifa. Spánarferðin var æði. Flugum til Alicante og vorum í sumarhúsi rétt fyrir utan torrevecha (veit ekkert hvernig á að skrifa þetta, skrifa bara eins og ég segi það, verðið að afsaka slæma spænskukunnáttu). Þar vorum við í 10 daga með Siggu og Arnari, gerðum heilan helling, fórum á ströndina, böðuðum okkur í fjallafossum fyrir ofan Benidorm, fórum í vatnsleikjagarð, skemmtigarðinn Teramitica þar sem munaði minnstu að Rannslan dræpist úr hræðslu í ægirlegustu rússibanaferð sem vitað er til, Atli var farinn að íhuga að hringja í 112, en Rannslan skreið þó saman í lokin og harkaði af sér.

Við fengum frábært veður og náðum að baka okkur vel í sólinni. Eftir þessa 10 daga fóru Sigga og Arnar heim, en þá gistum við í 4 nætur á 4 stjörnu lúxus hóteli rétt fyrir utan Benidorm. Slöppuðum vel af þess síðustu daga, keyrðum eftir strandlengjunni, fórum á markað og borðuðum góðan mat. Gott að hlaða batteríin fyrir komandi fluttinga!

Ætla að henda spánar-myndunum inn við tækifæri en myndin hér fyrir ofan ætti að lýsa Spánarstemmaranum ágætlega :o)

Annars hef ég ekki mikið meira að segja í bili. Skólinn kominn á fullt og maður svona að koma sér í lærdómsgírinn eftir sumarfrí og fluttninga. Bíð svo bara eftir að stelpurnar komi í heimsókn í nóvember. Er búin að taka frá gistiplás yfir ykkur dömur mínar, þið munið fá stofuna alveg útaf fyrir ykkur.

Segi þetta gott í bili af fréttum úr Köben, skal reyna henda inn myndum af íbúðinni og Spáni fljótlega.

Danska baunin kveður, yfir og út!

Fluttningar og læti

2007-09-05T10:35:00.000+02:00

Sælt veri fólkið, þeas þessar fáu hræður sem kíkja hingað inn. Af mér er allt mjög gott að frétta, íslenska sumarið var frábært, held ég hafi aldrei haft jafn þétta og góða dagskrá yfir eitt sumar! Svo var brunað beint á spán eftir að komið var til Köben, en spánarsögur og meira fréttablogg mun bíða aðeins betri tíma þar sem að Rannslan er á kafi í fluttningum þessa dagana....Jebb við erum komin með stærri íbúð og nú er pakkað og ÞRIFIÐ af miklum móð!!!
Þannig að þegar ég verð flutt inn í nýju íbúðina og búin að skila af mér okkar 2 íbúðum, vel þrifnum og ný máluðum, þá mun koma svakalegur fréttapistill frá Kóngsins Köben :o)
En jæja best að bruna í bæinn á hjólafáknum og kaupa skrúbba og þrifefni...þarf víst að halda áfram að skrúbba baðherbergið...
Þrifbaunin kveðjur í bili

Íslenskt sumar

2007-07-14T14:47:00.000+02:00

Já er ekki kominn tími á eins og eitt gott blogg héðan af Klakanum.... Búin að hafa það rosa gott hér heima, enda búin að vera næstum bongóblíða frá því ég lenti á Fróni. Dagskrá sumarsins hefur verið þéttskipuð og sé ég ekki fram á að það breytist neitt...sem er nokkuð gott því á meðan er maður ekki að telja dagana í heimferð til Köben. Fyrstu helgina eftir að ég kom var skundað í flotta útskriftarveislu hjá Hjördísi vinkonu og svo 2 útskriftarpartý um kvöldið, en vinkonurnar eru víst orðnar svo svaðalega menntaðar...en Dröfn vinkona var einnig að útskrifast. Þetta kveld heppnaðist mjög vel, eftir fjörugt tjútt á Brávallagötunni og í fjórfalt viðskiptafræðinga partýi hjá Hjördísi var skundað í bæinn og tjúttað af sér rassinn.
Næstu helgi var svo komið að því að djamma með núverandi og eldri vinnufélögum úr Straumsvíkinni, þó svo að kvöldið hafi ekki byrjað mjög gæfulega með því að vinnupartýið var blásið af... En Rannslan lét það ekki á sig fá og var fljót að redda partýi á Brávallagötunni með eðal skvísum, þaðan var svo að sjálfsögðu skundað í bæinn og hann tekinn með trompi, vinnufélagarnir leitaðir uppi, kíkt á Ný dönsk og svo á Celtic, auðvitað dansað alls staðar, bæði á gólfi og stólum :o)
Næstu helgi var brunað norðu á Siglufjörð og tekið á því á fjörugu ættarmóti, gist í tjaldi og alles. Auðvitað var mesta fjörið hjá okkur, mútta og pabbi með miðnætur kökuboð og tónlistin blöstuð í jeppanum þannig að flestir voru komnir í góðan dansfíling þarna úti á grasbalanum. Þetta var alveg æðisleg helgi, hitti gamla ættingja sem maður hefur ekki séð í áraraðir og uppgötvaði nýja og skemmtilega, enda er maður komin af svo frábærri ætt :o)

Um síðustu helgi var komið að því að heimsækja Eyjarnar eftir rúma 11 mánaða fjarveru!! Brunað á Bakka með tvíeykinu Aldísi og Hjördísi, komumst loks yfir á Paradísareyjuna efir 2 tíma bið...en það var alveg þess virði. Sigurbjörg dró okkur stöllur á föstudagsdjamm, sem endaði í að við þrjár tjúttuðum með Sigurjóni og Þorvaldi til að verða 6 um morguninn, gömul djömm á Vestmannabrautinni voru riðfjuð upp, vorum fræddar um öll nöfn eyjanna, enda eru þau eitthvað farin að gleymast eftir langa fjarveru....heimtaður staðgreiðsluafsláttur af pizzu sem aldrei komst til skila...ásamt mörgu öðru skemmtilegu...frábært kvöld í alla staði. Daginn eftir var svo skundað í Skvísusund eftir góða upphitun heima hjá Sigurbjörgu. Þvílíkt stuð, Skvísusundið fullt af fólki og fékk maður nettan þjóðhátíðarfíling,, dansað og sungið hástöfum...því var stungið að mér hvort ég ætlaði ekki að leggja fyrir mig sönginn efitr að ég hafði tekið lagði með Jarli og félögum....held ég láti það vera svo a af tillitsemi við ykkur hin. Á sunnudagskvöld var svo flogið á Bakka og brunað í bæinn eftir frábæra helgi á Eyjunni fögur. Eftir þessa helgi losnar maður ekki við þjóðhátíðarspenninginn, enda ekki nema 20 dagar í að hátíðin verði sett!! Þetta verður frábært, verst að það vantar einn aðila til að gera hátiðina fullkomna, en hann er fastur í Baunalandinu í sumar. En hann sleppur ekki við að mæta í dalinn að ári...það er alveg á hreinu :o)
Næstu helgi er svo planað að fara norður í Skagafjörð með viðskiptamafíunni í river rafting. Taka útilegupakkann á þetta og undirbúa sig fyrir þjóðara :o) Hlakka mikið til.
Helgina fyirr þjóðara verður svo haldið á ættarmót hjá pabba ætt ...eflaust góð skemmtun. Svo er það bara þjóðari og loks KÖBEN.
En best að hætta þessu blaðri og skella sér út í sólinna og reyna ná sér í smá frekknur og njóta einu dagskrálausu helgarinnar í sumar :o)
Hafið það gott í góða veðrinu í sumar, rannslan kveðjur í bili.

Vú loksins komið blogg og myndir!

2007-05-20T13:02:00.001+02:00

Góðan dag hopp og hí uppá nefið nú ég sný... Hvað segir fólk í dag? Ekki allir hressir?

Rannslan loks búin að koma sér í að blogga, og það sem meira er hún hefur líka sett inn fullt af myndum fyrir ykkur lesendur góðir! Albúm 3 hér hægra megin er stútfullt af skemmtilegum myndum úr sólinni í Danmörku :o)

Annar er allt gott að frétta héðan úr Sólarlandinu, alltaf nóg að gera. Verð að viðurkenna að maður hefur verið einstaklega latur við að blogga, en það er nú bara afþví að ég hef yfirleitt eitthvað mun skemmtilegra við tímann að gera...nema auðvitað próflesturinn...sem er víst kominn á fullt núna.

Setti inn myndir úr afmælispartýinu okkar Atla. Héldum saman uppá afmælin okkar í byrjun maí. Fólki boðið í mat ala Ranna...(og Atli...) Þar sem að það var æðislegt veður var partýinu skellt úti í garð, og öll skolað niður með ísköldum öl. Þetta afmæisboð okkar heppnaðist afskaplega vel, djammað fram á rauða nótt úti í garði, veit þó ekki hvort nágrannarnir hafi verið mjög ánægðir með 25 gólandi Íslendinga í garðinum...en við fengum þó ennga kvörtun ;o) Við fengum fullt af góðum gjöfum og standa sennilega uppúr forlátar bleikar nærbuxur sem Rannslan fékk frá strákunum, merktar EIGN ATLA og svo auðvitað flotta hauskúpusvuntan sem Atli fékk frá Evu og Jökli, með þeim skilaboðum að hann yrði að standa sig í eldhússtörfunum þar sem hann hefði nælt sér í hörmungar kokk, sem kynni lítið sem ekkert í eldhúsinu :o) Þarf varla að taka það fram að Rannslan var mjög ánægð með þessa gjöf ;o)

Daginn eftir var svo vaknað fersk kl 9 og kíkt á Bakken í góða veðrinu. Svaka stuð, fyrir utan eitt ælutæki sem varð valdur að því að einn ákv. aðili (ATLI) þurfti að bregða sér á tojarann og skila morgunverðinum...(spurning hvort þynnkan hafi haft einhver áhrif?).

En segi þetta gott af fréttum í bili, styttist í að ég komi heim á klaka. Eins og er, er maður á kafi í próflestri, fer í próf 6. og 7. júní og flýg svo heim á Klaka 10. júni. Verst að maður þarf að skilja Kallinn eftir í Köben, þar sem hann fékk sér vinnu hérna úti í sumar. En treysti á góða skemmtidagskrá heima á Klaka í sumar...

jæja best að hætta þessu blaðri, njótið myndanna. Sorry nennti ekki að flokka þær þannig að þær eru allar í bland, engin tímaröð á þeim, en þar sem þið eruð svo bright hljótið þið að finna útúr þessu.

Bestu sólarkveðjur úr Köben, Rannslan.

Danir í menningarsjokki

2007-03-15T21:51:00.000+01:00

Sá mig neydda til að koma með eins og eitt fréttaskeyti úr danmörkinni, eftir að mér fóru að berast póstar um það hvort ég væri enn á lífi! Jújú Rannslan lifir enn góðu lífi hér í Köben, svosem ekki mikið fréttnæmt héðan eftir að íslensku skonsurnar yfirgáfu borgina. Þarf auðvitað ekki að taka það fram að þessir 5 dagar sem þær dvöldu í borginni voru hreint út sagt frábærir í alla staði! Enda eðalskvísur þar á ferð, margar skemmtilegar sögur til af þeirri ferð, en ætla þó að taka þann pól í hæðinni að vera ekki að birta þær hér á alheimsnetinu, annars kom kúbufarinn Dröfn með hinn fínasta pistil um dk ferðinna. Er þó ekki frá því að köbenbúar og þá aðalega danskir drengir séu enn í hálfgerðu menningarsjokki eftir framgöngu íslensku skonsanna hér í Köben, við erum víst ekki eins dannaðar og dönsku dömurnar, og ég sem hélt ég væri að verða svo dönsk... Best að halda sig bara við íslenska brussuskapinn, enda erum við íslensku miklu hressari og skemmtilegri en þessar dönnuðu dömur :o)
Eftir að skonsurnar yfirgáfu borgina var slakað á í nokkra daga og reynt að sinna blessuðum skólanum sem skildi...En ranna var ekki lengi í afslöppun, matarboð, stelpnapartý með singstar og þess á milli var kollegíbarinn aðeins heimsóttur...þannig að það er ljóst að þessi marsmánuður sem átti að vera svo rólegur og afslappandi hefur eitthvað farið fyrir ofan garð og neðan hvað það varðar...
En nóg af djammsögum í bili...nú situr Rannslan sveitt við ba-verkefni samhliða djamminu, þannig að það er ljóst að eitthvað verður að víkja...spurning hvað það verður ;o)
Styttist svo í að Baunin komi heim á klaka, á flug heim 29. mars þar sem ég mun eyða páskunum heima, ásamt því að taka starfsnámið mitt. Verð heima þar til 15. apríl, allir að koma sér í gang með að plana skemmtilega dagskrá fyrir dönsku Baunina :o)
Segi þetta nóg í bili af fréttum úr sumarveðrinu í Köben.
Venlig hilsen, danska Baunin :o)

17 dagar!

2007-02-05T23:34:00.000+01:00

Jæja þá er þessu janúar-skólafríi mínu að ljúka, skólinn tekur við á morgun. Verða mikil viðbrigði að þurfa aftur að fara vakna fyrir hádegi, en það hefur ekki gerst síðan 19. janúar! Sem betur fer byrjar skólinn á morgun ekki fyrr en kl 14.00 þannig ég ætti að ná að komast á fætur :o)
Annars átti ég hið fínasta laugardagskvöld með nokkrum strákum, byrjaði á því að rúlla 4 strákum upp í póker, síðan var haldið á barinn í bjór og fótboltaspil þar sem Rannslan hélt áfram uppteknum hætti og var ætíð í vinningsliðinu :o) Að lokum var svo kíkt í færeyskt afmælispartý þar sem að ég komst að mörgu skemmtilegu um Færeyinga frændur okkar, eru líkari okkur en mig grunaði, og fékk þessa fínustu æfingu í færeyskunni minni :o)
Annars hefur maður svo bara beðið eftir því að fá fréttir af Kristínu bekkjarsystur, en á von á að hún pungi út eins og einni stelpu á næstu dögum, daman ætlar eitthvað að láta bíða eftir sér, held það séu komnar 2 vikur fram yfir settan tíma...þannig daman hlýtur nú að fara láta sjá sig!
Styttist í að skvísurnar komi hingað til mín, 17 dagar! Hef öruggar heimildir fyrir því að þær séu farnar að hittast hvert kvöld til að dusta rykið af ryðgaðri skóladönskunni...ekki veitir af, því ekki mun ég tala annað en linamjúkt baunamálið við þær dömur. En ætla þó að gefa þeim nokkur orð og frasa sem verða að vera á hreinu fyrir Köbenkomu:
1) Fire øl, tak! (duglegar ad blæda á línuna)
2) Hvor finder jeg cykletaxi...
3) I hvilken retning er Amager...
4) Jeg taler ikke nogen dansk, er kun en fuld islænding...(svona ef løggan kæmi á svædid)
Ættuð að komast lífs af með þessa frasa á hreinu...
En segjum þetta nóg í bili frá Baunini í Köben ;o)

Tóri enn...

2007-02-02T19:52:00.000+01:00

Eftir langa og góða afslöppun eftir prófin hefur danska baunin tekið við sér og ákveðið að blogga aðeins. Prófin gengu sæmilega, munnlega aftakan var ekki eins slæm og ég bjóst við, náði þeim fja... allavega. Eftir síðasta prófið var tekið hressilegt djamm á hinum fræga Kagsaakollegíbar ásamt fjölda Íslendinga og skálað fyrir próflokum. Ef marka má heilsuna daginn eftir var kannski aðeins of vel tekið á því...en grunar að þetta hafi þó bara verið smá upphitun miða við það sem koma skal 22. febrúar þegar Eyjaskvísurnar 3 Hjördís, Eyrún og Dröfn koma til Köben, ekki nema 20 dagar í þær :o)
Síðustu 2 vikur hafa svo liðið í mjög mikilli afslöppun og leti, HM hefur þó séð um að halda mér gangandi, horft á flest alla leiki sem hafa verið sýndir hér í Danmörkinni...hef þó bara fengið að sjá 2 Íslenska leiki...en maður reddar sér með því að hringja bara heim í gegnum sype og fá lýsingu gegnum símann :o)
Get þó viðurkennt það að Danmörk - Ísland tók mikið á hvort sem talað er um andlega eða líkamlega, mikið hoppað og öskrað í þeim leik. Ætla ekki að reyna að lýsa þeim ömurlegheitum að þurfa vera föst í baunalandinu eftir það tap, danirnir í blokkinni minni höfðu nú samt vit á því að nefna þennan leik sem minnst...greinilega farnir að þekkja skapstyggð Rönnslunar þegar íslenskar íþróttir eiga í hlut. Fannst því ekki leiðinlegt að sjá Dani tapa gegn Pólverjum eftir 2x framlengdan leik...lét þó sem minnst á því bera á meðan leiknum stóð, þar sem ég hefði þá sennilega verið líflátin á staðnum með alla öskrandi Danina í kringum mig...
Annars er lítið um fréttir út Danmörkinni, skólinn að hefjast aftur í næstu viku og svo er andlegur og líkamlegur undirbúningur hafinn fyrir komu stelpnanna...grunar að það verði mun meira fréttnæmt efni í blogg eftir að þær yfirgefa borgina :o)
Med venlig hilsen, danska baunin.

Prófblogg

2007-01-09T23:22:00.000+01:00

Þessir dyggu lesendur mínir sem enn nenna að kíka hingað inn stöku sinnum er víst orðnir eitthvað frekar leiðir á dönskum julefrokostum, (ætli ég sé búin að eyðileggja þá skemmtun hjá þeim fyrir lífstíð?) þannig að ég er tilneydd að skrifa eins og einn leiðinlegan prófbloggpistil hér í janúar-próflesturs-leiðindunm mínum hér í Köben! Ábyrgist þó ekki að hann verði áhugaverður þar sem líf mitt er allt annað en áhugavert þessa dagana...
Allavega var lent á danskri grundu stundvíslega 1. janúar, þar sem hefja skyldi próflestur fyrir próf þann 4. janúar, sem gekk bara svona glimrandi vel...eða skulum vona það allavega... Hef svo haldið til á bókasafni CBS þá klukkutíma úr deginum sem ég hef verið vakandi, og nýtt þá í að lesa fyrir næstu 2 próf, sem verða allsvakleg, meðal annars munnleg aftaka!! Mun djamma í 2 vikur ef ég lifi hana af, allir Klakabúar velkomnir að joina mér í því djammi, ef af því verður...annars komið þið bara í jarðaförina mína...getið djammað eftir hana. Hugsanir mínar snúast því að mestu um radd- og gómvandamál, og það afhverju danir geta ekki teppalagt bókasöfnin hér, nei nei bara alltaf einhver fjandans gólfdúkur, þannig að þegar allar dönsku gellurnar koma á fínu stígvélunum sínum inn á bókasafn, glimur um allt, eða ef einhver hreyfir stól, glimur líka um allt!! Ætti að setja það í lög að það væri skylda að hafa teppi á bókasöfnum, eða skylda alla fólk til að koma á strigaskóm en ekki STÍGVÉLUM á próftímum!!!! Get alveg orðið geðveik á þessu!
En ætla ekki að kvelja ykkur meir á þessum lærdómsþönnkum mínum, ekki holt fyrir nokkrun mann að lesa þetta!
Hlakka hinsvegar geggjað til að fá ykkur skvísur hingað út til mín, lofa því að það verði ekkert "síðasta lest fer heim á miðnætti" þar sem þið komið bara á skikkanlegaum Djammtíma!! Ætti auðveldlega að geta platað hjólataxanna, þar sem þeir þekkja mig ekkert eftir að ég klippti mig, þannig ég er ekki lengur í straffi þar :o)
En best að tapa sér ekki í djammpælingum fyrr en eftir próf...sem klárast 19. janúar :o) Verð fyrst viðræðuhæf þá ef ég lifi klukkustunda danska munnlega aftöku (próf) af...
Kv. danska prófbaunin

Danskur desember

2006-12-06T00:26:00.000+01:00

Þá er liðin upp háannatími danskra julefrokosta hér í Köben. Maður er hættur að kippa sér upp við að sjá reikandi, og dafrandi eldra fólk eftir kl 18 á daginn, sem reynir hvað það getur að ná í leigubíl eftir skemmtun og drykkju dagsins, fólk sem dags daglega er voða dannað og fínt í lestinni á leið til vinnu. Það virðist einnkum vera áberandi að fólk milli 40 og 60 ára taki aðal djamm ársins á julefrokost i desember, veit ekki hversu vel það endar alltaf, heyrði einhverstaðar að það væri alltaf einhver rekinn hvern einasta mánudag í desember hér í dk. Greinilegt að einhverjir sleppa alveg fram af sér beilslinu. En nóg um danska julefrokosti, þar til um næstu helgi þegar ég fer í 2 svoleiðis, skulum vona að ég verði hvorki rekin úr bekknum mínun eða blokkinni minni...kannski lítil hætta á því þar sem Rannslan er jú alltaf svo hrikalega dönnuð á djamminu :o)
Annars er frábær helgi liðin, nóg að gera í lærdóm og "djammi". Smári Jökull var í Köben og var kíkt í búðir og á djamm með honum. Skelltum okkur í 2 íslendingapartý á föstudagskvöldinu, og var annað þeirra eins og skemmtistaður, svo troðið var af fólki þarna, skilst það séu partý þarna hverja helgi :o) Fór svo með krökkunum í Jólatívoli, en er orðin svo gömul að ég fór bara í eitt tæki, en nýtti tímann í að skoða jólaskraut og fínerí ;o)
En það styttist óðfluga í að ég komi heim, 10 dagar! Er samt ansi hrædd um að ég þurfi að fjárfersta í ýmiskonar öryggisbúnaði áður en ég kem heim á klaka miða við fréttirnar sem berast úr Borg óttans, meðal þess er skothelt og stunguhelt vesti og svo gamlar og góðar fiskvinnsluheyrnahlífar! Ég meina hvað er málið með að bíta eyrað af einhverjum út af rifrildi, mætti Tyson á staðinn eða hvað??
Hvernig er eiginlega Ísland í dag???

Vor í lofti?

2006-11-30T21:34:00.000+01:00

Þá er maður víst komin aftur í baunalandið eftir frábæra dvöl á Klakanum góða. Get þó ekki sagt annað en að maður hafi verið í smá taugaáfalli þegar stigið var úr 9 stiga hita í Köben inn í 7 stiga frost og rok! En maður var fljótur að aðlagast því, greynilega ekki orðin of dönsk. Starfsþjálfunin gekk vonum framar, allir voða ánægðir að frétta af 3 talmeinafræðinemum sem koma vonandi fljótt til starfa, enda er vöntunin víst svaklega heima. Maður gengur þá allavega garenterað í vinnu :o)
Það hefur sjaldan verið svona mikið að gera hjá mér á Klakanum, heimsóknir út og suður, partý, djamm, bíóferð, bókaklúbbur, innflutiningspartý...Frábær ferð í alla staði þó svo að ég hafi næstum orðið úti fyrstu helgina mína heima, en pabbi reddaði því auðvitað :o)
Hér í danaveldi er allt við sama heygarðshornið, 8-10 stiga hiti, ansi notalegt eftir kuldan heima. Hér er enn verið að slá gras, þannig það er nettur vorfílingur í loftinu...sýnist kuldaboli allavega ekkert vera á næsta leyti :o) Eina er að maður er alveg að kafna í skólanum þessa síðustu daga fyrir jólafrí og prófi, hlaðið á mann aukatímum vegna veikinda, verkleg klinik líka og svo eru maður að reyna koma sér almennilega í gang í jólaprófalestrinum... 2 Julefrokostar, verslunar og djammleiðangur með Smára og Eygló og Jólatívolí er eitt af því sem bíður... Einhverstaðar þarna á milli reynir Rannslan að kreysta út tíma til að versla jólagafir áður en haldið er aftur heim á klaka. Þannig það er ekki hægt að segja annað en að það sé full dagskrá næstu 2 vikur..dagarnir ættu þá ekki að vera lengi að líða :o)
Segjum þetta nóg í bili, best að nýta tímann í eitthvað annað en blogg og meira blogg..
Med venlig julehilsen úr Baunalandi :o)

Ég hlakka svo til!

2006-11-06T19:29:00.000+01:00

Þá er það komið á hreint hvenær ég kem heim á Klaka! Flýg heim 16. nóv og verð þar til 27. nóv! Mamma og Pabbi splæstu í flug handa fátæka námsmanninum sínum, á náttúrulega bestu mömmu og pabba í heimi! :o)
Þannig það eru bara 10 dagar í Rönnsluna...mun vera að mestu í starfsnámi hjá Bryndísi Guðmundsdóttur hjá Talþjálfun Reykjavíkur en sennilega líka eitthvað á heyrnar og talmeinastöðinni (þetta er spes fyrir þig Emilía mín).
Fyrir utan það að vera í starfsnáminu hef ég nú hugsað mér að hitta mann og annan, vona að ég finni eins og eitt gott partý (er Brávallagatan eða H26 ekki game???), nokkrar kaffihúsaferðir og fullt af rúntum, ætti auðveldlega að ná þessu þar sem ég næ nú 2 íslenskum helgum ;o)
Annars er allt fínt að frétta hér úr Köben, í veðurfréttum er það helst að þessi fimbulkuldi sem hefur herjað á Baunabúa er að mestu farinn, en komin rigning í staðin...veit ekki alveg hvort er betra...jú ætli rigningin hafi ekki vinningin þar sem ég þarf ekki lengur að SKAFA af hjólinu mínu á morgnana!
Annars er Rannslan bara að komast í nettan jólafíling þrátt fyrir rigninguna, danskar búðir eru að verða fullar af jóladagatölum, jólasmákökum, jólanammi og bara allsherjar jóladóti...enda kannski ekki skrítið þar sem allir danir eru svo tilboðssjúkir og skipulagðir í öllu að þeir eru búnir að öllum jólainnkaupum í nóvember, hvort sem það er jólaskraut eða jólagjafir...Get þó ekki sagt að ég hafi smitiast af þessu...er ennþá sami íslendingurinn í mér og kaupi allt á síðustu stundu...

Bbbbbrrrrrrrrrrrrrr

2006-11-01T23:44:00.000+01:00

bbbbbbbbbbbrrrrrrrr ég hefði sko betur sleppt því að vera monta mig af þessu góða peysuveðri sem var hér í Köben! Varla búin að setja þá færslu inn þegar fór svoleiðis að hellirigna hér, og svo núna í dag vaknaði ég upp við brjálað rok og snjókomu!! hvað er að gerast?? Þetta veðurfar hefur að sjálfsögðu sett allar samgöngur úr skorðum hér í dk, sama hvort það er á vegum, sjó eða járnbrautirnar...Segi bara thank god að ég þurfti ekki að stíga fæti mínum út fyrir dyr í dag, hefði þá sennilega orðið fyrir kalkskemmdum, skulum vona að þetta batni eitthvað í nótt, þar sem ég þarf að mæta í skólann á morgun :o/
Annars er Rannslan orðin fræg í blokkinni fyrir frammúrskarandi eldamennsku :o) Búið að troða mér í einhvern matarklúbb, þannig ég eldaði þennan dýrindis kjúllarétt á mánudagskvöldið fyrir mig og nokkra sambýlendur mína og er skemmst frá því að segja að þetta vakti mikla lukku. Þannig að nú hlustið þið ekki legnur á kokkasögur af mér frá Hjördísi, það hafa bara verið einhverjir byrjenda örðuleikar á H26 ;o)
Er enn að býða eftir fastri dagsetningu á Íslandsför nú í nóvember, vona að það komi í síðasta lagi í næstu viku...en þó er ekkert því til fyrirstöðu að þið farið að plana fleiri partý og heimsóknir fyrir mig :o)
Knús úr kuldanum og bilnum í Köben, Rannslan

2006-10-26T20:57:00.000+02:00

Þá er allt komið á fullt í danmörkinni eftir æðislegt haustfrí. Kagsåfest fór að venju vel fram, geggjað stuð og djamm á fólki, dansað og tjúttað af sér rassg..., ódýr öl á barnum til að halda fólki gangandi og svo voru auðvitað slagsmál hjá strákunum eins og á ekta íslensku sveitaballi...annað hefði nú bara verið lummó ;o)
Nýjustu fréttir herma að Rannslan sé á leið heim á klaka, kem sennilegast eftir miðjan nóvember, er að fara taka starfsnámið mitt heima, en það verður þó sennilega stutt stopp, en planið er þó að hitta sem flesta og gera eitthvað skemmtilegt :o) Annars er mest lítið að frétta héðan úr Köben, aðeins farið að hausta en ekki hægt að segja að það sé orðið kalt ennþá...svona peysuveður, skilst að það sé víst eitthvað annað heima á klaka, spurning um að versla sér eitt stykki kraftgalla áður en maður fer heim...efast reyndar stórlega um að þeir fáist hér í baunalandi...
En segjum þetta gott í bili, farið að plana skemmtilega dagskrá fyrir mig í nóv ;o)

Leti í haustfríinu

2006-10-18T23:56:00.000+02:00

Já ekki hægt að segja annað en Rannslan liggi í leti þessa dagana, haustfrí í skólanum og hef nýtt það til hins ýtrasta til þess að sofa og gera akkúrat ekki neitt! Lýg því nú reyndar þar sem ég er búin að fara 2x í CBS að læra, lesa upp það sem hafði tapast niður við djamm undanfarinna vikna tel það nú bara nokkuð gott þar sem að það er rétt að skríða í fimmtudag í þessari fríviku minni...Gerði svo heiðarlega tilraun í dag til þess að losna við þetta þunnyldisútlit sem hefur fylgt mér síðustu vikur og skellti mér í klippingu í dag og losnaði við hárlubban sem ég var komið með og komin með knallstutt hár...fer svo í meira fínerí á morgun, plokk og lit, hlakka sko mikið til, ekki frá því að þunnyldið sé að hverfa á braut :o)
Annars er maður að komast í ágætis Halloween fíling hér í danmörkinn, búið að troða mér í skreytinganefnd fyrir Kagsåfestina sem verður hér á laugardag og vorum við að skera út grasker og svona fínerí. Er farin að hlakka nokkuð til helgarinnar, þetta verður heljarinnar skemmtun og djamm með öllum íslendingum kollegísins...getur ekki endað öðruvísi en vel :o)
Latabaunin kveður í bili, set svo inn fréttir af djammi helgarinnar þegar ég verð búin að ná heilsu í næstu viku ;o)

Brjálað að gera!

2006-10-04T21:45:00.000+02:00

Jæja jæja komin tími á blogg... Verður bara að segjast eins og er að það er búiðað vera svo brjálað að gera hjá mér síðust daga og vikur við að djamma, skemmta mér og öðrum ásamt því að túristast með íslendingum um alla Köben að ég má teljast heppin að fá tíma til að anda út og inn!!
Ætla nú samt ekkert að kvarta þar sem þetta eru búnir að vera hreint út sagt frábærir dagar :o)
Byrjaði á því að skella mér í heljarinnar ferðalag til Búlgaríu með Lúðró úr Eyjum og dvelja þar í 1 viku. Þvílík og önnur eins vika! Er alveg óhætt að segja að þar hafi maður marenaðað sig í bjór og öðru úrvals búlgörsku áfengi,enda allt áfengi frítt á hótelinu fram til 11 á kvöldin þannig að maður dreif sig snemma á fætur til þess að fá sér einn (eða fleiri...) morgunbjór og Jagermeister ef maginn var eitthvað slæmur ;o) Ásamt þessari unaðslegu áfengismareneringu var hin fagra söngrödd Rönnslunnar þanin til hins ýtrasta í hinum ýmsu gítarpartýum, hvort sem það var kl 9 að morgni í partýi uppi á hóteli, á börum borgarinnar, eða hinum ýmsu veitingahúsum... Allstaðar var gítarinn/gítararnir með í för og söngur og gól sveitarinnar hljómuðu yfir Golden Sands þessa viku sem við dvöldum þar, alveg óhætt að segja að það hafi ekki farið lítið fyrir okkur... Sveitin stundaði einnig mikið Búlgarska súlustaði enda hafa þeir alveg ótrúlegt aðdráttarafl...og þá er ég ekki aðeins að meina á kallkynið...ég var þó ekki svo fræg að komast á súluna eins og Gulli gerði svo eftirminnilega, og komst heldur ekki á samning eins og tvær ónefndar snótir úr sveitinni ;o)
Milli þess sem að verslun,djamm og búlgarskir súlustaðir voru stundaðir grimmt stóð Rannslan í því að finna sér næturstað fyrir hverja nótt þar sem að herbergisfélaginn nældi sér í elskhuga og var iðulega farin heim að "lúlla" fyrir háttatíma Rönnslunnar (skil það ekki þar sem ég fer ætíð snemma heim af djamminu...) En þar sem að ég á nú svo yndislega félaga í sveitinni sem kepptust um að fá að hýsa mig (hver vill það svosem ekki??) var ég sjaldan í miklum vandræðum með það. Fékk meira segja að taka eina pabbahelgi á þetta þar sem gist var hjá Þjóðhátíðarpabbanum en þjóðhátíðarmamman fékk hvíld þar sem hún var í gifsi upp að olboga, bíður bara næstu ferðar. Það varð raunin að í lok vikunnar hafði Rannslan sofið hjá/með 8 einstaklingum, og fengið boð um að gista hjá mun fleirum, meðal annars honum Rikka ríka, geri aðrir betur!! Þetta var allaveg hin frábærasta ferð, enda ekki við öðru að búast þegar þessi hópur tekur sig saman og ákveður að skemmta sér, 1 handarbrot og 4 brotin rúm voru m.a. uppskeran eftir þessa helgi, og tek ég það sérstaklega fram að Rannslan átti aðeins þátt í 1 þessara rúmbrota :o)
Þegar komið var heim frá Búlgaríu tóku svo Hjördís og Eygló við annsi þreyttri og þunnri Rönnslu...flutti niður á Amager til Eyglóar yfir helgina, þar sem túristast var með Hjördísi um alla Köben. Hjólað og hjólað um alla borg, ásamt því að fá sér bjór og versla... Kíktum m.a. í Carlsberg verksmiðjuna sem var mjög skemmtilegt, fengum hinn sanna bjóranda yfir okkur, og óhætt að segja að Rannslan hafi verið orðin rallhálf á 2. bjór... greinilegt að hluti af búlgarska áfenginu var enn til staðar... Þetta var allavega frábær helgi með þeim stöllum, hjóladjamm á föstudeginum og gott íslendingapartý á laugardeginum... Forustusauðurinn, ætsti strumpur og pipran greinilega hið besta teem :o) Skilst svo að Klakinn sé á leið hingað út til okkar í lok nóv og aldrei að vita nema strympan verði dregin með, það ætti að verða góð blanda :o)
En Rannslan segir þetta nóg í bili af djammsögum og tjútti, líður samt sennileg ekki á löngu þar til þið fáið annan djammpistil...
Djamm og stuðkveðjur úr Kóngsins Köben

Pottapartý og stuð :o)

2006-09-17T21:32:00.000+02:00

Jæja best að koma með smá fréttir úr sólinni hér í Köben ;o)
Allt fínt að frétta, búin að vera bongó blíða síðustu daga, ekki amalegt að vera á stuttermabol og kvartbuxum fram á kvöld... Þessi einmuna veðurblíða var líka vel nýtt á föstudagskvöldið, þegar Rannslan skellti sér á óvænt en skemmtilegt djamm hér á Kagså. Skellti mér á Kollegíbarinn með 3 strákum sem búa hér á kollegínu, fengið sér bjór og spilað fótboltaspil... hljómar þetta nokkuð strákalegt djamm?? Allavega var Rannsla mjög fegin þegar Eva kom fljúgandi inn um bardyrnar, eftir stutt djamm í bænum :o) Mikið stuð og mikið blaðrað það sem eftir var af kvöldinu, stungum strákana af í smá stelpupartý en enduðum svo kvöldið á að taka eitt gott pottapartý heima hjá Evu með stelpum og strákum ;o) Þar var Rannslan í því hlutverki að draga fólk ofan í pottinn í fötunum og sprauta á þá sem ætluðu ekki að hætta sér ofaní...Fínasta upphitun fyrir Búlgaríuferðina mína sem ég legg í á fimmtudaginn, grunar að það verði nóg af sundlaugar og pottapartýum þar, allavega nóg af djammi og tjútti, hlakka alveg geggjað mikið til!!!
Hilsen, Potta-Baunin

Sumrinu lokið

2006-09-06T22:55:00.000+02:00

Jæja þá er íslenska sumarið á enda og baunin sest að nýju á skólabekk á danskri grund. Verð að segja að það var mun skárra en ég hafði gert mér í hugarlund að koma aftur hingað út, danskan lét ekki svo illa í eyrum og veðrið og bjórinn góður að vanda ;o)
Fyrsti skóladagurinn var á þriðjudag, þar sem mætt var í skólann kl 10 og setið í fyrirlestrum til kl 17 hjá 2 kennurum sem mætti nú alveg fara að endurnýja, ekki langt þar til þeir komast á eftirlaun allavega...kallgreyið talaði svo lágt og hægt að maður átti í mestu vandræðum með að halda sér vakandi í þessa 3 tíma sem fyrirlesturinn stóð yfir, og kellan lítil og þybbin GRYBBA, greinilegt að hún ætlar ekki að láta neinn vaða yfir sig þessi elska... þannig danskir þriðjudagar verða ekki verulega spennandi næstu mánuðina...
Lífinu hefur síðan verið tekið með statískri ró að dönskum sið, lítið stress...helst þessi fjandans landsleikur sem við vorum að tapa núna rétt í þessu! Get ekki sagt að ég sé stolt af því að vera íslendingur hér í danmörku í dag eftir þessa spilamensku! Kemur sér vel að stelpurnar í bekknum eru ekki mikil fótboltanörd þannig að ég ætti alveg að geta komist í gegnum skóladaginn á morgun, þ.e.a.s. ef nýju kennararnir gera mér ekki lífið leitt, verður spennandi að sjá hvaða gúrú þeir senda á okkur á morgun, geta allavega ekki verið mikið eldri en þessir 2 sem við fengum á þriðjudag.
Med venlig hilsen danska Baunin

Risin upp frá dauðum!

2006-06-13T23:40:00.000+02:00

Júhelíhú júhelíhú síðan hefur risið upp frá krankleika og þunglyndi... ákveðið var að rísa upp úr kistunni og setja stefnuna á bloggaraverðlaun ársins :o)
Það eru víst ár og aldir síðan Rannslan hafði tíma og nennu til þess að setjast niður og hripa helstu fréttir af henni hér inn...en ætlar nú að reyna að bæta aðeins fyrir það og uppfæra þessa fáu lesendur sem eftir eru um það helsta sem á dagana hefur drifið síðasta mánuðinn...eitt er víst að það er ekki lítið sem hefur verið að gerast í lífi Rönnslunnar, þó misskemmtilegt geti talist...
Þegar ég skildi við ykkur síðast var Bryndís að koma í heimsókn hingað út til mín í tilefni afmælis okkar beggja. Það var í einu orði sagt FRÁBÆR helgi þar sem Rannslan naut þess í botn að vera í fríi, sleikja sólina og djamma allhressilega að íslenskri vísu :o) Enda skemmtilegar sögur í minningarbankanum eftir þá helgi, Fróði færeyingur á víst þar nokkurt pláss, kvennagræjupartý á Kagså, færeyskt eldhúspartý, Pilgården bar, LA-caffé þar sem var dansað af sér rassgatið inn um subbuleg brimbretti og ískalda kokteila, video-ull á dönsku lögguna ásamt öðru skemmtilegu..yrði allt of langur pistill að fara telja það allt upp hér, en eitt er víst að þetta var æðisleg helgi. Þegar Bryndís kvaddi kom svo Hildur fænka í heimsókn til Rönnslunnar, en það var haft sig rólega þar sem að enn var verið að jafna sig eftir helgina með Bryndísi, því var bara aðeins kíkt í búðir og verslað en Djammið var hvílt þar til haldið var til Höllu sys á spáni ;o)
Salamanca Salamanca!!
Haldið var af stað til Höllu eldsnemma á fimmtudagsmorgni...Tekið flug til Stansted og þaðan flogið til Valladolid á Spáni, allt gekk vel þar til Rannslan tók sér leigubíl frá flugvellinum niður á lestarstöð...hafið ekki alveg hugsað fyrir því að vera með cash á mér og ætlaði bara að borga bílinn með korti, en nei nei leigubílarnir þarna tóku engin kort, uppgötvaði það ekki fyrr en ég kom á lestarstöðina, leigubílstjórinn var víst ekkert allt of ánægður með þennan heimska túrista sem var bara með kort meðferðis...ekki bætti úr skák að hann talaði bara spænsku og virtist ekki skilja neitt í ensku!! Ekki kann ég orð í spænsku, nema si og grasias...og það þýddi ekkert að tönglast á því! Þar sem að Rannslan er einstaklega góður leikari, tókst henni á undraverðan hátt að koma manninum í skilning um að hún þyrti að komast í Hraðbanka, eftir mikið tuð og handapat keyrði kallinn af stað og málinu var reddað...var orðin vel sveitt þarna í aftursætinu eftir 15 mín leikþátt sem virtist í byrjun engu ætla að skila...jæja loks losnaði ég við leigbílstjórann og komst inn til að kaupa miða...þar komst ég að því að leigubílstjórar eru ekki þeir einu sem ekki skilja ensku og tala bara spænsku, þetta virðist eiga við flest alla þá sem ég hitti þarna á leið minni...tókst að kaupa miða og staulast með farangurinn upp í eldgamla og frumstæða lest sem ég taldi vera frá tímum fyrri heimstyrjaldar...þvílíkt hræ...jæjajæja komst þó að lokum til Salamanca, og skipaði Höllu sys að koma og ná í mig, þó að hún væri nú útlítandi eins og hamstur og enn hálf veik (fékk víst hettusótt þarna úti) því ekki ætlaði ég mér fyrir mitt litla líf að fara stíga aftur ein upp í leigubíl á spáni!!
Eftir þetta lærdómsríka ferðalag var ansi gott að komast inn í íbúð til Höllu og fá sér eins og eins sneið af Pizzu og einn öl, sem átti svo eftir að vera aðalfæða mín þann tíma sem ég dvaldi þarna, þó ég fengi hana nú í ýmsum útgáfum, pizza hut, heimbökuð, Bella blu osfr... Enda ekki annað hægt þar sem tíminn var ekki nýttur í að elda heldur VERSLA og kíkja á djammlíf Salamanca ;o)
Það greip mig þvílíkur Costa del sól fílingur þegar ég var loks komin þarna til þeirra, enda lífið ansi ljúft og gott þarna hjá þeim, dagarnir voru nýttir í að versla þar sem að tískan og verðlagið er ekkert smá gott þarna, Rannslan missti sig aðeins á kortinu, áður en ég vissi af voru komin 3 skópör, 8 bolir, jakki, buxur og eitthvað mun meira... Þannig að Halla greyið var dregin í búðir upp á hvern dag, en það kom sér þó einstaklega vel að það var opið til 9 á kvöldin, þannig maður gat sofið vel fram yfir hádegi og kíkt í búðir um 5 leytið, hentar mjög vel fyrir svona djammara eins og okkur, legg til að þessi opnunartími verði tekinn upp í Reykjavíkurborg í sumar ;o)
Næturnar voru svo nýttar í að kynnast börum borgarinnar, Irish Rover var þar í miklu uppáhaldi enda áttu Halla og stelpurnar víst næstum bara staðinn, fengum allavega frábæra þjónustu hvort sem var hjá dyravörðum eða barþjónum ;o) Á milli þess sem var rölt á milli bara (ekki séns að ég muni þessi spænsku nöfn, kann eins og áður sagði ekki bofs í spænsku) var þjóðsöngur Íslands sunginn, skellt sér í ruslatunnuferðir, bakpokaferðalangur á eftirlaunum pikkaður upp og bjórinn teygaður, enda kostar hann varla neitt þarna úti... Held ég hlífi lesendum við svæsnustu djammsögunum, en þetta var alveg ótrúlegat stuð... Það virtist þó loða við mig í þessari ferð að ferðalögin til og frá Danmörku voru ekki alveg mitt uppáhald... Á heimferðinni, var maður kannski ekki alveg sá ferskasti, var með úttroðnar töskur af dóti frá mér og Höllu sys, þorði varla að tékka mig inn í flugið þar sem að ég var með sjúklega þunga tösku, og ennþá þyngri handfarangurstösku! Ferðaist með Ryan-air sem eru nú ekki alveg þeir liðlegustu í töskumálum, 15 kg má bóka inn og handfarangurstaskan má ekki vera þyngri en 10 kíló...Allavega er alveg hægt að segja að ég hafi ekki verið sú ferskasta þennan heimferðardag, byrjaði á að rífa mig upp eftir klukkutíma svefn og drösla töskunum upp á lestarstöð, þar sem klöngrast var upp í ævafornu lestina og hossast í henni í 2 tíma...þegar á flugvöllinn var komið þorði ég varla að bóka mig inn þar sem að ég taldi víst að ég væri nú með meira en 15 kíló til að bóka inn svo ekki sé minnst á hlussu handfarangurstöskuna sem ég var með á öxlinni...þar sem að ég vissi líka að peningurinn á kortinu var lítill sem enginn til þess að borga einhverja yfirvigt! en hafði mig þó í það eftir smá tíma, það kom á daginn að taksan reyndist vera akkúrat 15 kíló! húff og kellan spurði ekkert um blessaða handtöskuna...þannig Rannslan komst í gegnum fyrsta tékk, sama stressið greip um sig á Stansted þegar ég var að bóka mig inn í flugið til Köben, en það hafðist þó líka þar...húff...þá hélt nú Rannslan að þetta væri búið, en nei nei, það var auðvitað seinkunn á fluginu til Köben um 3 tíma! Get ekki sagt að heilsan hafi farið batnandi þarna á Stansted, ekki bætti úr skák að mér tókst að týna blessuðum bording-pass miðanum, þannig að ég var tékkuð síðust inn, og þurfit að hlaupa á harðahlaupum í gegnum endalausa ganga og töppur með hlussu handtöskuna á öxlinni eftir að búið var að bóka alla inn í vélina...munaði minnstu að ég flygi á hausinn í tröppunum upp í vél, það hefði auðvitað verið alveg til að setja punktinn yfir i-ið...að hrynja á hausinn fyrir framan fulla vél af fólki! Var líka með í maganum allan tíman í vélinni að ég myndi missa af síðasta strætó heim, þar sem að ég var ekki með pening á mér fyrir leigubíl...en það rétt reddaðist og ég náði síðasta vagninum...slapp því við að eyða nóttinni á Kaupmannahafnarflugvelli ;o) það var því ansi þreytt og tætt Rannsla sem skreið inn um dyrnar þessa sunnudagsnótt...húff þvílíkt og annað eins ferðalag!
Eftir að komið var frá spáni var sest við próflestur, og lesið og lesið og lesið...þessi próflestur hefur enn ekki tekið enda þar sem að ég er að fara í síðustu prófin núna á fimmtudag og föstudag :o/ Ég fékk þó mömmu og ömmu í heimsókn í eina viku í lok mai, til þess að brjóta aðeins upp lesturinn, fórum m.a. í road-trip um Danmörku, ótrúlega gaman, vona að þær kellur komi fljótlega aftur til mín í heimsókn!
Annars lítið að frétta af mér hér í próflestrinum, er gjörsamlega að mygla í þessum lærdómi...það er ekki á heilbrigða manneskju leggjandi að vera í próflestri í miðjum júni, í 25 stiga hita og sól, og hafa HM í sjónvarpinu alla daga!!! Hvernig í ósköpunum á maður að geta einbeitt sér að bókunum?? og þar að auki allir vinirnir BÚNIR í prófum!!! En þetta styttist, 2 próf eftir og ein ritgerð... vika í að Rannslan leggi af stað til Íslands, stoppa stutt í borginni þar sem að haldi verður beint á árgangsmót í eyjum 23. -25 júni!! Ekki leiðinlegt það, get gjörsamlega ekki beðið, þar sem það eru að nálgast 11 mánuðir síðan maður var síðast á Paradísareyjunni!!
Ætla annars að segja þetta gott í bili, kveð úr sumrinu í Köben - aðeins 51 dagur í ÞJÓÐHÁTIÐ ;o)

Sól sól skín á mig :o)

2006-05-05T00:13:00.000+02:00

Loksins er sumarið almennilega komið hingað til Köben!!
Búin að vera um 20 stiga hiti síðan í gær, og hefur bara farið hækkandi ;o)
Rannslan búin að njóta góða veðursins í botn, skellti mér með stelpunum niður á Nyhavn eftir skóla, fengum okkur ís og sleiktum sólina þar með fullt fullt af léttklæddu fólki :o) Settumst svo niður í Rosenborghave og sleiktum sólina, þvílík sæla...gerist bara ekki betra :o) Held ég sé loks búin að taka Köben almennilega í sátt eftir síðust daga, hún er búin að sýna sínar allra bestu hliðar :o) Ekki er verra að Bryndís er að koma hingað út til mín á morgun og ætlar að njóta góða veðursins með mér, hér mun því verða verslað, svalað þorsta með nokkrum köldum inn á milli, fengið sér ís og legið í sólinni, skellt sér svo á pöbbarölt á kvöldin :o)
Hljómar þetta ekki vel? ;o)

Loksins kominn MAÍ :o)

2006-04-30T21:56:00.000+02:00

Jebb jebb það er víst alveg á hreinu að það er kominn tími á eins og eitt stykki danskt fréttaskeyti... Held þessi bloggleti mín tengist því að ég hef verið að bíða eftir að aprílmánuður kláraðist...þannig að nú eru vonandi bjartari tímar framundan í blogginu með hækkandi sól í maímánuði :o)
Það eru víst nóg af fréttum af Rönnslunni, spurning hvar maður eigi að byrja á þessu og hvað sé prenthæft hér á netinu... ;o)
Allavega... Rannslan skellti sér í klippingu um daginn til íslenskrar konu sem sér um að klippa íslendingana hér á kollegíinu, jebb veit þetta er eins og lítið þorp hér :o) Allavega var ég orðin svo ógeðslega leið á síða faxinu sem ég var komin með að ég ég fékk mér stutt, og leyfði henni svo að ráða litavalinu á hárinu...úkoman var rauðbrúnt :o) Ég er allavega mjög sátt og hef ekki enn fengið neikvæð komment á þetta þannig að þetta getur ekki verið mjög slæmt :o)
Eftir frekar djammlausan seinnipart aprílmánuðs, að undanskildu einu föstudagskvöldi hjá Evu og Jökli (saga kvöldsins ekki birtingarhæf hér á alheimsnetinu), sér Rannslan fram á bjarta tíma í maímánuði! Næstu helgi lendir Bryndís hér á danskri grunudu og ætlar að aðstoða Rönnsluna við að trylla lýðinn yfir afmælishelgina okkar, en eins og alþjóð veit eigum við báðra afmæli 7. maí :o)
Fimmtudeginum efti að Bryndís fer ætlar Rannslan svo að leggja land undir fót og skella sér til Höllu sys sem býr þessa dagana á Salamanca á Spáni :o) Þar hefur yngri útgáfa Rönnslunar semsagt haldið til síðustu mánuði undir þeirri yfirskrift að hún sé þar til þess að læra spænsku...en þar sem að ég þekki nú mitt heimafólk er það vitað mál að hún hefur haldið uppi djammstuði þar síðan hún kom ásamt 2 öðrum eyjadömum, skilst að þær séu orðnar vel þekktar í borginni :o) Þar mun Rannslan dveljast fram á sunnudag, og geri ráð fyrir því að ærlega verði slett úr kaufunum á börum borgarinnar, milli þess sem verslunargötur borgarinnar verða þræddar :o)
Þá hafið þið það lesendur góðir, Maímánuður verður semsagt skemmtanamánuðurinn mikil, allavega fyrrihlut hans... reikna nú svo með því að trappa þetta aðeins niður þegar ég kem heim frá Spáni þar sem að þá fer að líða að prófum, og yndislegur próflesturinn mun taka við... En reikna nú samt með að taka eins og eitt tjútt á eurovison, enda kollegíið morandi í íslendingum og ef ég þekki þá rétt verður slegið upp eins og einu stykki eurovisionpartýi :o)
Held ég segi þetta gott í bili, best að fara undirbúa sig andlega fyrir danskan fyrirlestur sem ég á víst að halda kl 9 í fyrramálið...þegar hann verður búinn verður bara gleði gleði fram til 15. maí!!!
P.s. hér er búið að vera sól og blíða síðustu daga, þó svo að hitinn hafi kannski ekki verið voða hár nú um helgina, þannig að sumarið er komið til Köben og kominn tími á að fara fjárfesta í sólarvörn, tala ekki um þegar maður skreppur niðureftir til Spánar... Vona að þið hafið það gott í svalanum heima á klaka ;o)

10 ára fermingarafmæli!

2006-04-15T00:29:00.000+02:00

Jebb í dag þann 14. apríl eru liðin heil tíu ár frá því að Rannslan fermdist, sjæse hvað þetta líður alveg ógeðslega hratt, manni finnst maður bara vera orðin eldgamall þegar maður sér þessa tölu 10 ár!!! Finnst nú ekki vera svona agalega langt síðan ég skundaði í borgarferð með múttu að finna fermingardress, hanska, sálmabók og ekki má gleyma gífurlega glæsilegum fermingarskóm, eða ætti kannski frekar að segja klossum! Amma fékk alveg fyrir hjartað þegar hún sá uppáklædda dömuna á fermingardaginn í kjól (sem gerðist aldrei á þessum tíma, lítið fyrir kjóla), búin að fara í þessa fínu greiðslu hjá Ástu frænku og smá föðrun með og svo á þessum klossum við! Hún sagði nú ekki mikið, en mikið fannst mér það fyndið þegar ég sá svipin á þeirri gömlu... Kannski ekki hægt að ljá henni það þar sem þetta voru algjörir hippaklossar, örugglega hækkun um heila 10 cm, sem mér stubbinum fannst nú ekki leiðinlegt, verst bara hvað þeir voru ógeðslega þungir!
En þetta var það allra heitasta í tískunni í á þessum tíma og veit ég að ég var ekki sú eins sem fermdist í þessum gæða klossum :o) Þessir skór hafa svo hin síðustu ár einkum verið notaðir við hippadress þegar ég skelli mér á hippaballið heima í eyjum...
Það eru semsagt komin heil 10 ár frá þessum degi... og ég semsagt að fara á árgangsmót í sumar, sem er nú eiginlega það eina skemmtilega við þetta :o) Hlakka ekki lítið til, og eins gott að þessi danski skóli tímasetji prófin mín þannig að ég komist til eyja helgina 23.-25. júni! Annars fer ég í mál við hann, það er alveg á hreinu, ætla ekki að missa af því partýi :o) Annars er þessi dagur nú líka mjög merkilegur fyrir þær sakir að einmitt fyrir 10 árum á fermingardaginn minn fæddist yndislegasti köttur sem uppi hefur verið, hún Doppfríður Olsen, eða Doppa mín :o) Hefði hún semsagt orðið 10 ára í dag ef hún væri enn á lífi...
Annars er það helst að frétta úr danmörkinni að páskarnir hafa nú bara verið tiltölulega rólegir hjá Rönnslunni...fyrir utan páskafrokostinn hjá bekknum mínum sem haldinn var á miðvikudag. Þá hittumst við öll heima hjá einni í dýrindis mat og öli, en danir hafa nú ekki mikið djammþol, þannig að þar sem partýinu var startað kl 17 var því bara slúttað kl 12...Gengur ekkert að kenna þessum dönum að djamma..þannig að ég skellti mér bara heim á Kagsaa og kom við hjá Konna í síðasta öl og spjalli :o)
Held ég hafi ekki meir af fréttum í bili...enda fátt sem gerist hér hjá mér þessa dagana, tel bara dagana þar til Bryndís vinkona kemur hingað út til mín, 21 dagur! :o) og svo eru ekki nema 110 dagar í þjóðhátíð ;o)

Kaffiprófið

2006-04-05T21:09:00.000+02:00

Hehe tók þetta skemmtilega kaffipróf á síðunni hennar Magneu, og hér er það sem kom út úr því... Ég er semsagt Kaffe Latte (þó svo að ég drekki ekki kaffi)
Læt fylgja með lýsinguna sem kom með... nú verðið þið lesendur góðir að segja mér hvort að sé eitthvað til í þessari lýsingu, finnst hún ansi skondin ;o)

Þú ert svo mikið sem...
Latte!
Þú ert skapstór og íhaldsamur einstaklingur sem lætur ekki bjóða sér hvað sem er. Undir vissum kringumstæðum leyfirðu þér að prófa nýjungar, en þó aðeins að vel athuguðu máli.
Þú samanstendur af tvöföldum espresso og flóaðri mjólk.

Þið getið tékkað á hvernig kaffi þið eruð á þessari slóð: http://www.froskur.net/annad/kaffi/

Búið að ráða bót á djammleysinu ;o)

2006-04-02T17:36:00.000+02:00

Sælir lesendur góðir, það er víst kominn tími á fréttaskeyti úr Danmörkinni :o)
Af mér er allt það fínasta að frétta, nóg að gera í skólanum, maður er svona aðeins farin að leiða hugann að prófum og prófundirbúiningi, svona svo maður fari ekki yfirum af prófstressi í maí höfum við vinkonurnar ákveðið að byrja snemma á þessum leiðindum og taka góða törn núna í apríl...
Annars hefur Rannslan ákveðið að virkja aftur upp gömul sundgen og reyna að vera duglega að skella sér í sund, fór um daginn með Kristínu í sund og það var alveg æði, fann strax gamla sundæfingarfílinginn þegar ég kom inn í húsið og fann sundlyktina í loftinu. Áttaði mig þó fljótlega á því að ég var ekki alveg í sama forminu og í gamladag, tók því bara létt á því á fyrstu æfingu en stefnan er sett á að endurheimta sem mest af fyrra formi...sjáum svo bara til hvernig það gengur ;o)
Á föstudaginn voru Eva og Jökull svo elskuleg að bjarga mér frá djammleysi síðustu vikna og halda party (samt ekkert spes fyrir mig...) Frábært kvöld, sem byrjaði með æðislegum mexikóskum mat og svo djamm og gleði fram eftir kvöldi, var nú samt ekki að nenna í bæinn, heldur vorum bara í partýi fram á morgun ;o)
Held ég hafi lítið meir af fréttum, nema að Rannslan er orðin löggildur bílstjóri hér í Köben, skellti mér í smá bílferð á föstudaginn á bílum þeirra Evu og Jökuls, eitthvað sem ég hélt ég myndi seint gera, ekki alveg besti bílstjórinn hvað þá hér úti þar sem eru HJÓL út um allt, og þau eiga þar að auki forgang allsstaðar!! En ég lifði það af og það sem meira er, keyrði engann hjólreiðamann niður í þessari ferð ;o)
Hef ákveðið að vera með niðurtalningu í þjóðara í hverri færslu sérstaklega fyrir hann Skúla fúla :o) En þar sem að ekki er enn komin dagsetning á prófin mín og ég veit því ekki enn hvenær ég kem heim, hef ég ákveðið að telja bara niður í þjóðhátíð, eitthvað verður maður að hafa... en nú eru aðeins 123 dagar :o)
Rannslan kveður í bili úr vorinu í Köben...

Hækkandi hiti og Þjóðhátíð :o)

2006-03-25T19:32:00.000+01:00

Best að láta aðeins vita af sér hér úr Danmörkinni, þó svo að það sé svosem ekki mikið að frétta af mér hér úti. Er svona að aðlaga mig að rólegra lífi eftir allan gestaganginn hjá mér síðustu vikur... hef allavega enn komist lifandi í gegnum 2 djammlausar helgar, þannig að þetta hlýtur að hafast. Verð að þrauka aprílmánuð, svo skilst mér að Bryndís sé á leið hingað út til mín yfir afmælið okkar :o) og jafnvel Hjördís líka :o) Þannig að það er hægt að lifa á tilhlökkun fyrir því!
Annars er það helst að frétta að það er eitthvað farið að vora hér hjá okkur í baunalandi eftir þennan ógeðis kulda sem hefur herjað á okkur að undanförnu, núna stígur hitinn bara og er vanalega svona í kringum 5 gráður, sem maður er hæst ánægður með eftir eintómar frotstatölur... Þannig að Rannslan fer bráðlega að pakka niður vetrarfatnaðinum og taka fram sandala og hlýraboli :o)
Annars datt ég í þennan þvílíka þjóðhátíðarfíling þegar ég sá að það var byrjað að skrifa inn þjóðhátiðarfréttir á þjóðhátíðarsíðuna www.dalurinn.is, bara búin að vera hlusta á þjóðhátíðarlög og rifja upp endalaust skemmtilegar minnigar frá síðustu þjóðhátíðum, eins og svipinn á Jóa Löggu þegar hann tapaði sér, þegar mér var hent upp á stóra svið, við skvísurnar í þjóðhátíðarbúningunum, bekkjabílapartý og endalaust meir...get hreinlega ekki beðið eftir næstu hátíð en það eru nú samt bara 131 dagur í setningu næstu þjóðhátíðar :o)
Rannslan kveður í bili, farið að gera ykkur reddý fyrir næstu þjóðhátíð!

Verslað í Köben

2006-03-15T22:23:00.000+01:00

Jæja jæja komið að því að blogga um dvöl Hjördísar hér í Köben... Hjördís mætti á svæðið á hádegi á fimmtudag þar sem ég tók á móti henni á Hovedbanegaarden, hún alveg ótrúlega klár að rata alein þangað uppeftir frá flugvellinum, enda er hún víst með Gps radar í rassg...! Mikið var Rannslan nú fegin að hitta loks Hjördísi sýna, það virðist hins vegar koma yfir mig mikill klaufa- og ljóskuandi þegar ég er með Hjördísi og var það ekki lengi að koma í ljós, mér tókst að labba harkalega á handriði á lestarstöðinni (skil ekki hvernig ég missti af því, það er sko risastórt!) og fá risastóran marblett og þar að auki hrinja næstum niður stigan að klósettunum, og auðvitað lá Hjördís alveg í kasti...þetta var víst það sem koma skyldi um helgina, Rannveig að fara á kostum í klaufaganginum og ljóskukommentunum ;o)
Við tókum þá ákvörðun að skella töskunni hennar Hjördísar bara í geymslu á lestarstöðinni og halda beinustu leið á strikið að kíkja í búðir :o) Þar var sko labbað og labbað og skoðað og skoðað og keypt og keypt... eftir þennan mikla verslunarleiðangur var farið að leita eftir einhverju að eta, ákváðum við að skella okkur á kínverskan veitingarstað... God sáum strax eftir því þegar við komum inn, frekar sjabbí eitthvað svona, stólarnir og borðin að hrynja í sundur en það sem var það allra fyndnasta var að á "Matseðlinum" sem aðeins bauð upp á að kaupa 3 rétti saman, eða hlaðborð... stóð að maður ætti vinsamlegast að taka aðeins eins mikið og maður borðaði ef maður færi í hlaðborð því að ef maður skyldi eftir mat yrði maður rukkaður tvöfalt!!! Eftir þessa lestningu laumuðum við okkur út við lítinn fögnuð hjá gamla barþjóninum...Voru fljótar að finna betri stað þar sem við fengum þennan dýrindis mat, þar sem að við vorum hálf dasaðar eftir allt verslunarröltið var haldið heim á leið í rólegheitin... þurftum reyndar að snúa við á miðri leið þar sem greyið taskan hennar Hjördísar gleymdist á Hovedbane...
Á föstudeginum skelltum við okkur svo í Field's að versla meira, og fórum beint þaðan yfir til Malmö til Smára, sú ferð varð ansi skrítin og skemmtileg, skelltum okkur strax í partý upp á Kollegí til Smára, þar voru komin saman allra þjóða kvikindi en vildi svo vel til að við vorum 5 íslendingar :o) Þar fór rannsla ljóska á kostum við mikinn fögnuð Hjördísar og Smára, en náði þó ekki að toppa hinn sænska Erik, sem gerði hosur sínar óspart grænar fyrir Hjördísi, stelandi úr glasinu hennar, einstaklega vel málaður um augun og huggulegur, en því miður lukkaðist þetta þó ekki hjá þeim :o( Síðar um kvöldið var síðan haldið á skemmtistað, furðuleg tónlist þar en þó ekki eins furðuleg og klæðnaðurinn á drengjum staðarins og furðuleg lykt sem sveif um loftið (fremur vond). Strákar í Svíþjóð klæðast víst aðeins NÍþröngum gallabuxum, niðurþröngum og alles(innvíðum eins og Íris myndi orða það), held að það séu ekki mikil not fyrir tólin á þeim eftir að hafa klæðst þessu allt kvöldið! Við stöllur ákváðum að drífa okkur svo bara heim með lest um nóttina, fengum þennan fína indverska leigubílstjóra sem tjáði okkur að hann væri frá Reykjavík, snæddum kebab og franskar með sesonal í nýstingskulda, en strákarnir á kebabstaðnum vorkenndu okkur svo mikið að þeir komu með ofn til þess að við gætum hlýjað okkur á höndunum, algjörar dúllur... Í lestinni til baka gerðist eitt alveg óborganlegt atriði...við vorum sestar inn, að enda við að klára matinn okkar, fullt af fólki komið inn í vagninn og lestin að leggja af stað, haldiði þá ekki bara að einn farþeginn lyfti pennt upp löppinni og gjörsamlega þrumi þessu rosa prumpi yfir vagninn þannig að allt nötraði!!! God, ég hélt að ég yrði ekki eldri! og þessi ógeðis fýla sem kom um 15 mín seinna, á ekki orð til að lýsa henni, maðurinn hefur verið byrjaður að rotna að innan hlýtur að vera!
Jæja upp rann laugardagur, við vöknuðum snemma til að ...versla en ekki hvað! Skelltum okkur á strikið, hittum svo Smárann sem kom yfir til Köben til að sækja veskið sitt sem hafði gleymst í töskunni hennar Hjördísar kvöldinu áður, fórum svo heim og fundum okkur til fyrir djamm kvöldsins. Áður en haldið var í bæinn fórum við til Evu og Jökuls þar sem Tópaspelinn sem Hjördís kom með var kláraður, tókum svo leigubíl í bæinn með þennan frábæra 60 ára leigubílstjóra sem var með hnakkatónlistina í botni allan tímann og gólaði hástöfum með, hef sjaldan lent í öðru eins! Þó svo að mikið hafi verið búið að velta fyrir sér á hvaða staði við ættum að fara var raunin sú að aðeins var farið á einn stað, tjúttað og sprellaði við dani, Rannslan komin upp á bekki að dansa, Hjördís fékk á meðan þá skemmtilegu spurningum hvort hún væri gift og hvort það væri ástæðan fyrir því að hún laðaði að sér alla þessa kallmenn! Ekki heyrt það fyrr að það laði að kallmenn... hittum líka íslenska stráka sem tóku stjórnina í tónlistarmálum og skelltu sér upp á svið til að taka lagið þar sem hljómsveit staðarins var víst ekki alveg að gera sig, ansi gott og fróðlegt djamm, tókum þó engan hjólataxa, enda kannski heilsu okkar fyrir bestu :o)
Sunnudagurinn var notaður í almenna þynnkuleti, skellt sér í þynnkuborgara á makkann og komið svo heim að pakka, Hjördís hélt svo heim á leið á mánudagsmorgun... Vona þó að það verði stutt í næstu ferð hennar hingað út, fullt sem við eigum eftir að gera, t.d. kanna alla þessa djammstaði sem við vorum búnar að planleggja að kíkja á...
En nú er víst kominn 15. mars og kominn tími til að fara hægja á sér í djamminu og byrja að lesa eitthvað af viti fyrir þennan skóla... Hér í baunalandi er ennþá SKÍTAKULDI, danir eiga bara ekki orð yfir þessu veðurfari, það byrjaði aftur að snjóa í dag, gamli snjórinn ekki einu sinni farinn!! Vona að það fari nú eitthvað að hlýna hér hjá mér svo ég geti farið að monta mig af veðurblíðunni við ykkur klakabúa, en kveð í bili enda bloggið orðið endalaust langt... over and out - Rannslan ;o)

Ekki dauð enn...

2006-03-08T18:18:00.000+01:00

jæja jæja þá nennir maður loksa að setjst niður og blogga nokkrar línur, enda lesendurnir greinilega ekki mjög ánægðir með frammistöðu mína í blogginu... Þessi undarlega bloggleti er greinilega farin að herja á mig aftur... en ég er bara fegin á meðan það er ekki einhver önnur leti, en best að hætta þessu tuði og koma sér að fréttunum.
Eins og ég sagði frá í kommentakerfinu skellti ég mér í skíðaferð með foreldrunum til Austurríkis, gott að eiga svona foreldra sem dekra við mann hægri vinstri og bjóða manni í skíðaferð ;o) Allavega var alveg magnað að koma aftur til Austurríkis eftir 4 ára fjarveru, þýskan rifjaðist fljótt upp, bjórinn alveg æðislegur þarna og fólkið líka (nóg af sætum strákum!). Það var verið á skíðum með mömmu og pabba frá klukkan 9 á morgnanna til 4 á daginn, þvílík sæla, svo var bara stoppað í skíðakofunum í brekkunum og fegnið sér einn öllara, eina bratwúrst eða vínarsnitsell og svo skellt í sig einni (stundum fleirum) Marillu (skíðaskot) áður en haldið var af stað í brekkurnar á ný. Ég féll alveg fyrir þessu fríi og segi bara við ykkur hin sem þekkið mig að ég er hætt við allar sólarlandaferðir, nú verður bara safnað í skíðaferð og skellt sér í djammskíðaferð í austurrísku alpana, hef mjög góða reynslu af þeim eftir þessa ferð. Frábær skemmtun, æðislegar brekkkur, skíðaskóli fyrir þá sem ekkert kunna, með ótrúlega sætum skíðakennurum, spurning um að skella sér einn dag, bara til þess að njóta útsýnisin :o), nóg af skíðakofum til að bæta á smurolíu (bjór eða skot), æðisleg tyrólamúsik í kofunum, þegar maður kemur niður er svo brjálað partý, þannig að þið hafið enga afsökun, nú verður bara skellt sér í skíðaferð! Grunar líka að það verði alveg óborganlega fyndið fyrir mig að sjá ykkur pjásurnar á skíðum ;o)
Skellti mér svo einnig eitt kvöldið í sleðaferð lengst upp í fjall, var svona hópferð með dönsku ferðaskrifstofunni sem við fórum með, það áttu að vera 2 og 2 saman á litlum sleða, ma og pa skelltu sér auðvitað saman á sleða þannig að ég var bara ein, en fékk fljótlega stórann og stæðilegan herramann með mér á sleðann minn, hann var það stór að hann hafði of langar lappir til að stýra sleðanum, þannig að ég var sett undir stýri. Ómæ ómæ..það gekk nú ekkert allt of vel í fyrstu en svo fór þetta að ganga, rendum á þvílíkri ferð að ég var að skíta í mig úr hræðslu, gargandi á íslensku hægri vinstir í mesta panikkinu, og greyið strákurinn skildi ekki neitt, enda danskur... en komst þó lifandi frá þessu þó að tæpt væri, öll krambúleruð, teygði og toguð eftir nokkrar veltur á sleðanum. Við prófum þetta bókað þegar þið komið með mér í skíðafríið :o)
Annars lítið að frétta hér úr danaveldi nema að það er SKÍTA kuldi hér, 10 stiga frost eða eitthvað, ekki gaman, en hins vegar mun skemmtilegra að Hjördís vinkona er að koma hingað út til mín á MORGUN (hún var víst búin að heimta að ég skrifaði eitthvað um konuna hennar... en hef ekkert heyrt af henni..). Planið er auðvitað að djamma og versla, og svo senniega kíkja yfir til Malmö á Smárann (Sála) sem verður einmitt þar þessa sömu helgi, annars verður þetta bara látið ráðast, hef ekki áhyggjur af því að okkur leiðist neitt...verða sennilegar einhverjar skemmtilegar sögur eftir helgina, hins vegar spurning um hvort að þær verði prenthæfar ;o)
Bestu kveðjru frá skíðasjúklingnum sem er fastu í danaveldi þar sem engar skíðabrekkur finnst!

P.s. henti inn nokkrum myndum í albúm 2 frá því að ma og pa voru hér, og frá Austurríki.

Amma dreki í Köben!

2006-02-19T22:17:00.000+01:00

Jæja þá er enn ein crazy helgin liðin! Veit ekki hvernig þetta á eftir að enda hérna hjá mér, sennilega líður ekki á löngu þar til ég verð orðin þekkt í miðbæ köben fyrir djamm og djúserí með snarbiluðum Íslendingum :o)
Að þessu sinni var það Ásta föðursystir (öðru nafni amma dreki), ásamt Rönku (öðru nafni amma ísbjörn) vinkonu sinni og Kristínu dóttur hennar sem að máluðu pöbbana rauða með mér...Hins vegar tók amma dreki af mér loforð um að blogga pent og fínt um helgardvöl hennar hér í Köben, þar sem hún er nú komin langt á fimmtugsaldurinn og vill ekki verða höggvin af ættratrénu, því verður því allra svæsnasta sleppt hér ;o)
Laugardagskvöldið byrjaði allavega snemma í góðum kínverskum málsverði heima í íbúð hjá Kristínu og Kára, sem var skolað niður með ísköldum bjór og nokkrum tópasskotum. Þar var horft/hlustað á Eurovision í gegnum netið og úrslitunum fagnað ógurlega. Eftir keppnina var aðeins hitað betur upp með bjór og tópast ásamt ýmsum fleiri brjóstastyrkjandi veigum sem voru þar á boðstólum... Þá drifu gellurnar sig niður í bæ, en Kári greyið var skilinn eftir heima til að passa. Það voru einstaklega hressar og föngulegar dömur sem skunduðu í bæinn þetta laugardagskvöld, amma dreki skar sig vel út í eiturgrænum jakka, nískupúkabuxum og aumingjastígvélum, amma ísbjörn, ein stresshrúga, einnig klædd í nískupúkabuxur (þetta er víst það flottasta í tískunni hjá þessum fertugu...), hoppandi hérahopp hér og þar, ásamt því að leggja sig í líma við að labba ekki niður runna og ljósastaura, en það hafið verið stundað nokkuð í ferðinni :o) Við Kristín skemmtum okkur svo konunglega með þessum 2 eðal-ömmum! Það var rölt á milli ýmissa írskra pöbba og tékkað á stemmingunni, amma dreki steig síðan trylltan pissudans á miðju Ráðhústorgi, held ég hafi sjaldan séð nokkuð fyndnara! Hún var einnig staðráðin í að koma mér út, og voru þær 3 búnar að finna hitt fínasta mannsefni handa mér og gekk allt eins og í sögu þar til að við komumst að því að hann var HOMMI...eða það héldum við allavega í fyrstu, amma dreki komst síðan að því að það var um misskiling að ræða, en það víst aðeins of seint...(ef þeir eru ekki rónar þá eru þeir hommar! held ég gefist bara upp...)
Amma dreki var síðan æst í að taka hjólataxa heim eftir að hafa frétt af svaðilförum mínum um síðustu helgi, það var þó ekki hættandi að taka kappaksturinn á þetta þar sem að sú gamla gæti fengið fyrir hjartað... En þetta varð nú samt soldið skondin hjólataxaferð, þar sem að ég og amma dreki sátum í vagninum, fundum okkur ungan strák til að hjóla með okkur, og hjólarinn sem átti hjólið fékk að sitja í fanginu á okkur ömmu dreka, létum svo greyið strákinn borgar fyrir ferðina, þó svo að hann hafi séð um að hjóla með okkur! Held að ég verði ströffuð næst þegar ég ætla að taka hjólataxa...orðin þekkt á meðal þessara fáu hjólataxahjólara...
En ætli þetta sé ekki orðið nógu gott af sögum helgarinnar, aðrar sögur eru ekki prenthæfar, hvað þá til birtingar á netinu...ég þakka bara fyrir frábæra helgi, bíð spennt eftir hvað gerist næstu helgi, mamma og pabbi á leið hingað út til mín...

Ég var víst klukkuð af góðri vinkonu, en ætla að geyma það til morguns, hef ekki orku í að svara þeim lista núna... Svo er maður bara orðinn heimsfrægur heima á íslandi, farnar að birtast djammmyndir af mér í aðal glanstímariti landsins, Fréttablaðinu! Heitir aðdáendur geta skráð sig í kommentakerfið og ég sendi þeim áritaða mynd :o)

Hvar eru hjálmarnir!

2006-02-13T23:37:00.000+01:00

Sniff sniff þá er frábærasta helgi ever liðin, þvílík og önnur eins snild! Föstudagurinn rann upp og Tommi og Eyrún, ásamt fylgdarlið Appelbúðarinnar mættu til Kóngsins Köben til að trylla lýðinn. Eftir ágætis búðarráp var skundað niður á Nyhavn á hótelið þeirra, komið við í Maria kiosk og keyptur kaldur öllari til þess að svala verslunarþorstanum. Þau skötuhjú fóru svo út að borða með Appelliðinu, en ég græjaði mig fyrir kvöldið, var svo sótt af einum úr títtnefndu Appelliði :o)
Þá var skundað á djammið, byrjað á fínum stað á strikinu og svo fært sig yfir á Köbenhavners jasshous, þar sem að Rannslan kíkti á nokkra róna, en ekkert gekk ;o) og því voru teknir nokkrir frábærir danstaktar, með og án slæðu...
Eftir þetta megafjör var skundað heim á hótel, en þar sem við drottningarnar vorum orðnar svo dauðað í löppunum eftir tjúttið og búðarrápið ákváðum við að taka taxahjól heim.
Það er svona hjól með vagni aftaní og blæju yfir, þar sem 2 geta sitið, yfirleitt eru þetta pör sem taka svona, sitja voða rómó og láta hjólarann hjóla með sig í rólegheitum um stræti borgarinnar, en það varð nú aldeilis ekki raunin hjá okkur Eyrúnu... Strákarnir voru nú fyrst með einhverja kallrembustæla og sögðu að þeir ætluðu sko bara að labba, en leið og það kom annað svona taxahjól, voru þeir ekki lengi að hoppa uppí, og þá hófst nú fjörið ;o) Okkar taxahjólari var rétt að koma sér af stað í rólegheitum með okkur drottningarnar, þegar við heyrum fyrir aftan okkur "follow that car". Við vorum ekki lengi að kveikja á perunni og upphófst ægilegur kappakstur heim á hótel.
Ég var víst mjög æst í að vinna þessa keppni eins og Eyrún og barði greyið hjólarann okkar óspart áfram og gargaði "faster, farster, can´t you go faster!!" Milli þess sem ég barði greyið áfram var ég í því að fylgjast með hinu taxahjólinu sem strákarnir voru í, það gekk ekki alveg nógu vel með blægjuna svona yfir okkur, þannig að okkur tókst einhvernvegin að rústa henni, þannig að hún flögraði þarna fram og til baka, vorum búnar að koma henni einhvernvegin framfyrir okkur, þannig að ég gat fylgst vel með því hvar strákarnir voru og haldið þeim í skefjum með því að ýta þeim alltaf aftar, þegar þeir komu of nálægt, milli þess sem ég reglulega barði hjólarann okkar áfram (hann komst ekki úr sporunum greyið). Á einstaka stöðum rak ég síðan upp ógurleg gól, þar sem að mér fannst vagninn alltaf vera að velta í beygjunum, (hjólarinn keyrði jú á ofsahraða (15 km/klst eða svo)) og spurði Eyrúnu í sífellu um hjálmana, hvar í andsk. hjálmarnir væru, hvort við ættum ekki að hafa svoleiðis á höfðinu!
Þegar við komum niður á hótel ætlaði hjólarinn okkar ekki að geta stunið upp verðinu því hann náði varla andanum af þreytu, á meðan hjólarinn hjá strákunum lá enn í hláturskasti með þeim 2. En semsagt unnum við drtottningarnar þennan æsispennandi kappakstur, enda kom ekki til mála að láta 2 stráka vinna okkur dömurnar!
Á laugardeginum var síðan vaknað í hlátursþynnku og gærkvöldið rifjað upp ásamt því að þramma strikið fram og til baka og versla sig upp fyrir næsta djammkvöld. Um kvöldið var haldið á þorrablót Íslendingafélagsins, þar sem var alveg feiknar stuð, sixtees spilaði undir trylltum dansi mörghundruð íslendinga, meðal annars rönnslunnar, var farin að dansa upp á stólum, en sem betur fer fór ég ekki upp á borð, það hefði ekki getað endað vel, nógu erfitt var að halda jafnvægi á stólnum. Eftir að íslendingaballinu lauk, var komið við á nokkrum börum á leiðinni heim á hótel, og auðvitað tekinn hjólataxi heim, en sem betur fer fyrir hjólaran, höfðum við Eyrún engan að keppa við, þannig að það var bara tekin rólegheit á þetta. Þegar heim við komum heim á hótel fannst okkur ekki vera kominn háttatími og ætluðum að starta eins og einu góðu partýi, þar tók partýhaldari á móti okkur á skær APPELSÍNUGULUM boxernærbuxum og náttúrulegri/lifandi lopapeysu (það skal tekið fram að hér er ekki verið að tala um Tomma!) Held ég hafi ekki séð hana Eyrúnu hlægja jafn ógeðslega mikið áður, hún gjörsamlega lippaðist í gólfið úr hlátri, ekki skánaði það þegar partýhaldari náði í eitt stykki stutt handklæði til að fela lifandi lopapeysuna sína... við fengum síðan að sjá hverslags úrvals stílisti hann var þar sem hann átti APPELSÍNUGULAN bol og APPELSÍNUGULA sokka í stíl, endaði í ágætis spjallpartýi. En APPELSÍNUGULUR tvímælalaust litur helgarinnar :o)

Vill bara þakka fyrir alveg frábæra helgi, hún hefði ekki getað heppnast betur, það er alveg á hreinu. Bíð spennt eftir næstu ferð ykkar hingað út! Styttist reyndar í Hjördísi, grunar að það verði álíka skemmtilegt :o)
En held þetta sé komið nóg í bili af fréttum úr djammsinsKöben ;o)

Kommunikationshandicap

2006-02-08T18:50:00.000+01:00

Verð bara að deila með ykkur reynslu minni af einum furðulegasta skólatíma sem ég hef setið um æfina, og er ég nú samt ýmsu vön frá síðustu önn hér úr baunalandi! Ég mætti semsagt í minn fyrsta tíma í Kommunikationshandicap í dag, sem myndi þýðast yfir á íslensku sem samskiptafötlun, eða fötlun sem hefur áhrif á samskipti. Tíminn byrjaði nokkuð vel þar sem að ég var alveg í skýjunum yfir að skilja loks kennarann almennilega, þar sem að fyrir áramót var ekki nokkur leið fyrir mig að skilja hvað kom út úr þessum gamla, danska barka...danskan greinilega öll að koma :o)
En Ranna var ekki lengi í Paradís! Eftir stutta kynningu á námskeiðinu var útdeilt eyrnatöppum til okkar og við beðin um að stinga þeim í eyrun og hafa allan tímann, til þess að geta upplifað hvernig heyrnardaufir upplifa umhverfi sitt! og ég sem var svo ánægð með að skilja fjand... kallinn heyrði nú varla neitt sem hann sagði og hvað þá skildi! En þetta var ekki það eina... Eftir smá stund dró hann upp nokkur stykki bambusprik og svona augnleppa (eins og gamlar kellur nota til að geta sofið í birtu, svona stór leppi með teygju sem maður setur aftur fyrir haus). Allavega nú áttum við að skipta okkur niður í hópa, 3 og 3 saman, einn átti að vera blindur og heyrnalaus (semsagt skella augnleppunum á sig, eyrnatöppunum í eyrun og hafa bambusstafinn að vopni, hann gengdi víst hlutverki blindrastafs...), einn átti að vera heyrnalaus (semsagt troða eyrnatöppum í eyrað) og svo var einn sem fékk að hafa öll skynfæri í lagi, hann átti að sjá um að gæda þann blinda og heyrnalausa, við áttum svo að skipta reglulega um hlutverk. Svo var þessum hópum sagt að drífa sig út að labba um skólann og skólalóðina, get svarið það að mér hefur sjaldan liðið jafn kjánalega, út um allan skóla æddu misklárt fatlaðfól, klessandi á, berjandi bambusstöfum (blindrastöfum) til og frá um gólfin, hrópandi í tíma og ótíma HA HA, HVAD SIGER DU?!! Enda 2 í hópnum heyrnadaufir með eindæmum... Hallast samt að því að af þessu þrennu hafi verið best að vera blindur og heyrnalaus, maður sá þá allavega ekki furðusvipina á öðrum skólafélögum sem vissu vart hvað á sig stóð veðrið þegar þeir voru óvart lamdir með bambursstaf eða rekist allharkalega utan í þá!! En það er ekki hægt að segja annað en að þetta nám mitt sé MJÖG fjölbreytt og áhugavert! :o)

Að lokum vildi ég óska uppáhaldsfrænkunni minni heima henni Birnu Steingrímsdóttur til hamingju með 13 ára afmælið! Ótrúlegt hvað tíminn flýgur, finnst eins og það hafi verið í gær þegar hún mætti í heimsókn til eyja í pysjuveiðar og var dregin í heilsugöngur með Bínu frænku... Færð allavega koss og knús frá Rönnu frænku í Köben :o)

Bið að heylsa í bili, fatlað fól í baunalandi

Ölpeningur!

2006-02-07T23:01:00.000+01:00

Smá pæling hér, ég hef nú alltaf verið á móti því að spilia með peninga og ekki verið mikið í þeim geira, fer til að mynda aldrei í spilakassa, enda með eindæmum óheppin í þeim málum. En núna í janúar lét ég til leiðast og ákvað að vera með í veðmáli niðri í vinnu um úrslit í leikjum á Em í handbolta, og haldiði ekki bara að ég hafi verið að fá þær fréttir hingað út að ég hafi grísast til að giska á réttar tölur í leik Dana og Spánverja og þar með unnið mér inn 10.800 krónur!! Get nú ekki sagt annað en að það eigi eftir að koma sér MJÖG vel þegar maður kemur heim í JÚNÍ, skítblankur og allslaus. Skipa hér með hann Smarta í Straumsvíkinni sérstakan fjárgæslumann minn, treysti því að hann geymi og ávaxti Ölpeninginn minn vel og eyði honum ekki öllum í hádegispóker (Tek ekki við Dollurum frá Hannesi, til baka!)
Annars var ég að henda inn myndum af Djamminu í Janúar, Albúm 2 hérna hægramegin á síðunni... Ætla svo að taka mér tak og reyna að setja inn eitthvað af gömlum myndum síðan fyrir áramót, maður er að verða soddan tölvunörd ;o)

Risin úr dvalanum!

2006-02-06T23:07:00.000+01:00

jæja sælir lesendur góðir (ef það eru einhverjir eftir), þá er maður mættur aftur til baunalands og víst mál til komið að rísa upp úr Íslandsbloggleysis-dvalanum!!
Eins og flestir vita hef ég verið heima á Klaka síðan 7. jan í "jóla" fríi. Var svo ljónheppin að fá vinnu þennan tíma, þannig að það kom inn smá peningur sem var þó að mestu notaður í djamm og djúserí, þar sem að ég þurfti að vinna upp allmargar djammlausar helgar frá því úr danmerkurdvölinni. Held ég sé bara ekki frá því að það hafi að mestu tekist að vinna það djammleysi upp á þessum rúmum 3 vikum á klakanum, allavega var mamma gamla farin að hallast að því að ég kæmist bara ekkert aftur út, þar sem að það væri svo mikið að gera í djamminu hjá mér! En það rétt slapp. Allavega var þessi tími sem ég átti heima alveg frábær, byrjaði á því að skella mér á tónleika 7. jan í Laugardagshöllinni, beint í partý á Brávallagötuna og svo í bæinn, heimferðin gat ekki byrjað betur, og hér eftir var ekki aftur snúið, æðislegt að hitta stelpurnar, kíkja í partý, fara í frábært þjóðhátíðarupphitunarpartý sem Smári Jökull og vinir hans héldu (sjá mynd fyrir ofan), vera fastagestur á hinu Huggulega Hressó, skella sér í vísindaferð með viðskiptafræðinni, fara í drykkjukeppni á Pravda, kíkja í nokkur Vökupartý, skreppa á Stælinn, taka nokkra Laugara ásamt fullt fullt af fleiru sem ég man ekki, enda rennur þetta soldið svona saman í eitt.
Annars er það helst að frétta að Halla litla sys er farin til Spánar í spænskuskóla, eða segir okkur það, grunar samt að þetta verði nú að mestu djamm og skemmtilegheit ef hún er eitthvað skyld mér... Allavega er hún komin með blogg þar sem hægt er að fylgjast með því hvernig spænskan sýjast inn viku fyrir viku, ásamt sennilega einhverju af spænskum bjór ;)
Hér í danaveldi er skítakuldi, kaldara en heima á klaka, og búið að kyngja niður snjó í dag með meðfylgjandi skemmtilegheitum í samgöngum, enda danir ekki alveg þeir bestu í vetrarveðrunum...Skólinn byrjaði í dag, allt að komast á fullt þar... Annars býð ég bara eftir fimmtudeginum þegar Eyrún vinkona ætlar að heiðra mig með nærveru sinni og djamma með mér ALLA helgina :) Það er svo Þorrablót Íslendingafélagsins á laugardaginn, þar sem ég hef grun um að það verði slett sæmilega úr klaufunum...
En ætla að fara segja þetta nóg í bili og drífa mig í að setja upp nýja myndasíðu svo ég geti hent inn nokkrum myndum...
Bestu kveðjur frá Baunanum í Danmörku

Danskt próf!

2006-01-04T18:20:00.000+01:00

Jæja komst lifandi frá fyrsta prófinu mínu á danskri grund, þó svo að það hafi nú verið ansi tæpt með heilsuna eftir prófið. Orsakaðist það að mestu af lestrarþreytu og stessi, enda lítið sofið nóttina fyrir próf. Þurfti að leggja af stað rétt fyrir sjö til þess að vera komin rúmlega átta niður í skóla, því að fyrir skrifleg próf í þessum skóla mínum þarf maður að vera mættur í seinasta lagi hálftíma fyrir próf! Skildi það þegar ég kom á staðinn, því það er sko ekkert einfallt mál að taka próf í þessum skóla get ég sagt ykkur! Allt er skrifað í þríriti, þannig að við fengum fullt af kalkpappírsörkum í þríriti sem prófið skildi vera skrifað á, þú varðst að skrifa með bláum eða svörtum kúlupenna og muna að skrifa fast svo allt komi nú í gegnum öll þrú afritin! Ekki mátti skrifa neitt á spássíur svo hægt væri að ljósrita prófið ef á þyrfti að halda seinna, ekki alveg að ná ástæðunni fyrir því... Á hverja þríritsörk þurfit að merkja nafn og cp-númer ásamt blaðsíðufjölda, í lokin átti svo að taka hverja einustu örk í sundur (11 stykki hjá mér) og raða saman í bunka gulum, bleikum og hvítum blaðsíðum, setja hvern lit í sitt umslag og merkja vel... Þetta ásamt mörgum öðrum leiðbeiningum þurfti að koma til skila, og tók það alveg hátt í hálftíma, þannig að þetta var ástæðan fyrir því að mæta hálftíma áður en prófið byrjaði! Það verður seint sagt að þessi skóli minn sé mjög tæknilega sinnaður, rússnesk skriffinnska hvað...
Mér fannst einngi skondið hvað allir krakkarnir mættu með mikið af hjálpargögnum með sér, þetta var semsagt gagnapróf. Ég var að skammast mín fyrir að taka 3 orðabækur með mér + glósur og kennslubækur sem voru fyrir þessi 2 fög sem prófað var úr. En nei hefði nú ekki þurft að hafa áhyggjur af því að ég yrði mér til skammar, danirnir mættu með minnst 3 stykki af orðabókum hver, ásamt glósum og ýmisskonar kennslubókum sem ég hreinlega hef ekki grænan grun um hvar þau grófu upp! Sumir voru með svoleiðis staflana af bókum að þau hefðu getað klifið upp á næstu hæð, minnti mig einna hels á gömlu kallana á þjóðdeildinni heima á Hlöðunni... Ein mætti með ferðatösku á hjólum undir öll herlegheitin! Greinilegt að það átti að nýta allt mögulegt, efast samt stórlega um að þau hafi haft tíma til að kíkja í allar þessar bækur meðan á prófinu stóð!
Annars gekk prófið ágætlega vona ég, veltur held ég mest á því hvort kennararnir skilji dönsku svörin mín... Var allavega kominn með ágætis krampa í hendina þegar prófið var búið, enda búin að sitja sveitt við í 5 tíma, frá 9-14!!
Nú er bara verið að klára smá í ritgerð sem átti að vinnast um jólin, en af einhverjum furðulegum ástæðum gafst ekki tími til, svo er það bara pakka á föstudagskvöld og flug heim á laugardag, þeas ef þetta fxxxxxxs flugfélag getur einhvertíma farið í loftið á réttum tíma! Ef allt gengur upp er svo stefnan sett á tónleika í laugardagshöll um kvöldið með Bryndísi og fleiri góðum félögum ásamt því að kíkja í nokkra kalda á brávallagötunni seinna um kvöldið, allavega hin fínasta dagskrá :o)
Lofa svo að fara vinna í þessum myndamálum mínum, ætla að fá Hjördísi til að hjálpa mér að setja nokkrar myndir inn þegar ég kem heim, meðal annars úr afríska áramótapartýinu :o)

Gleðilegt nýtt ár!!

2006-01-01T23:14:00.000+01:00

Gleðilegt ár lesendur góðir og takk fyrir það gamla. Kannski kominn tími á að blogga þar sem að það er nú einu sinni komið nýtt ár...
Allavega átti ég frábært jólafrí heima á Íslandi eins og sést, þar sem ég hef ekki haft nokkurn einasta tíma til að blogga, verst hvað tíminn leið bara eitthvað allt allt of hratt. Borðaði æðislegan mat, hitti flest alla vinina, tók 2 frábær djömm, skellti mér á alveg ekta Sveitaball með Sálinni á selfossi með Hildi frænku og Smára Klaka og bara naut þess að vera heima á íslandi og geta skilið allt og talað frábæru íslenskuna mína, sem ég tók nú reyndar eftir að var farin að ryðga aðeins... Svo var skellt sér aftur út til baunalands 30. des, lennti auðvitað í svaka seinkunn á fluginu, virðist ætla að festast við mig að millilandaflugvélar sem ég ætla að taka seinki sér um 5-6 tíma, pæling að fara bara sjóleiðina heim...
Í gær var svo haldið upp á dönsk áramót og heppnaðist það bara nokkuð vel. Fór út að borða með Birki, Bigga og Guðnýu á ástralskan veitingarstað inn við Ráðhústorgið. Þar fengum við 7 rétta áramótakvöldverð með hinum furðurlegustu réttum, m.a. kengúrukjöti! Allavega vorum við alveg að springa eftir allan þennan mat og drifum okkur út á Ráðuhústorg til þess að sjá klukkuna slá 12! Þar voru víst um 3000 manns saman komnir og voru í óðaönn að sprengja sig og aðra í loft upp, get svarið það að þetta fólk kann ekkert að fara með flugelda, við þorðum ekki að stoppa lengi svo við yrðum ekki sprengd í loft upp þannig að við skelltum okkur í partý upp á Kollegí til Bigga og Guðnýar. Það var rólegt til að byrja með þar til við skelltum okkur í afrískt eldhúspartý, ekki neitt smá fyndið, eldhúsið fullt af fólki frá Afríku sem skemmti sér, söng og dansaði eins og það ætti lífið að leysa! Frábær endir á góðu kvöldi, var komin aðeins seinna heim en ég ætlaði mér en það var bara svo gaman í afríska eldhúspartýinu :o)
Annars er það svo bara lærdómur og lærdómur þar til ég fer í prófið á þriðjudag og svo bara drifið sig aftur heim á klaka á laugardaginn :o)
En held þetta sé komið nóg í bili... knús og kveðjur úr Köben, verið þið stillt og góð þar til ég kem heim til að tjútta með ykkur :o)

Jólaskap

2005-12-09T20:55:00.000+01:00

jæja til þess að bæta upp bloggleysi mitt undanfarnar vikur, er hér komin önnur færlsa. Rannslan komst í jólaskapið á einstaklega furðulegan hátt hér í Köben, búin að hækka sjónvarpið í botn og hlusta á danskara keppa í dönskum "Það var lagið" þætti, syngjandi hástöfum dönsk jólalög :o) En það virkaði fyrir mig...
Annars lennti ég í ansi skondnum í fyrradag þegar ég var að læra á bókasafninu. Var þar með Önnu, og við ákváðum að setjast ekki inn í lessal heldur á rými þar sem eru nokkur borð og ekki þarf að vera alveg hljóð. Eins og 2 stelpum sæmir var auðvitað spjallað "aðeins", og við tökum báðar eftir að einn strákurinn sem sitir þarna er alltaf að stara á okkur, þannig að við hugsum með okkur að best væri að lækka bara í sér... svo seinna um daginn kemur hann gangandi að mér og spyr á okkar ylhýra móðurmáli hvort ég sé til í að líta eftir tölvunni hans, mér varð svo mikið um að hann skildi tala íslensku að ég skildi ekki það sem hann sagði og Anna þurfti að svara fyrir mig! Þetta var ekkert smá furðulegt, var bara búin að ákveða að þetta væri dani og hann myndi tala dönsku við mig, þannig að þegar hann spurði mig svo á íslensku, get ég svo svarið að ég skildi bara ekki neitt!!
Annars bíð ég ekkert smá spennt eftir að koma heim, vika þar til ég kem, get gjörsamlega ekki beðið!!!

Komin Desember!

2005-12-06T22:36:00.000+01:00

Jæja það er víst kominn desember og ár og aldir síðan ég bloggaði síðast, 10 dagar eða svo! Enda farin að fá skammir frá litlu systur... Engin sérstök ástæða fyrir því að lítið hefur verið bloggað, nema helst að það er ekki mjög mikið áhugavert að blogga um þessa dagana.
Dagurinn í dag var þó alveg met hvað óheppni mína varðar! Sko á sunnudaginn týndi ég lyklakortinu mínu að blokkinni sem ég bý í (svona lyklakort eins og maður fær á hótelum og í klefana í Herjólfi)... ekki alveg nógu gott, en ég var búin að sjá aukalyklakort hér uppi í eldhúsi og ætlaði bara að stela því, í gær ætlaði ég svo að setja það í póstkassann minn svo ég myndi nú ekki týna því líka, en setti það í vitlausan póstkassa, og það varð auðvitað að vera póstkassi fyrir íbúð sem engin býr í þessa stundina!! þannig að í dag varð ég að fara til Húsvarðarins hér á Kollegíinu, ljúga að honum að ég hefði sett "mitt" kort óvart í vitlausan póstkassa og fá hann til að opna, sem hann gerði, en svo þegar ég fer að prófa kortið passar það auðvitað ekkert í hurðina, er bara kort úr einhverri annarri blokk!!! þannig að ég þarf að fara á fimmtudag og segja honum að ég hafi týnt blessuðu kortinu, hann heldur örugglega að ég sé eitthvað hrifin af sér, alltaf hjá kallinum!! Ekki mjög myndarlegur kall þannig að það verða bara að vera hans hugarórar...
Allaveg svo dreif ég mig loks út í morgun eftir þetta bras með húsverðinum, en nei nei fór út á inniskónum, og var ekki með lykil til að komast afur inn!! þannig að ég fór á inniskónum niður á bókasafn að læra, fékk ekki fáa hneykslunarsvipi frá stígvélasjúkum dönum í rigningunni! svo þegar ég kom á bókasafnið fattaði ég að ég hafði gleymt peysu, og það er sko alltaf ógeðslega kallt á bókasafninu, þannig að ég var að læra á inniskóm í stuttermabol í skítakulda!! maður má sko ekki vera með úlpuna inni á lesrými í bókasafninu!! frekar pirrandi dagur!!
En yfir í eitthvað léttara, tók jólakæruleysi á lærdóminn um helgina, skellti mér í búðarráp báða dagana, verslaði jólagjafir og annað skemmtilegt, fór svo á jólamarkað niðurá Nyhavn, alveg ótrúlega jólalegt,.. missti mig aðeins í verslun á jóladóti, var bara komin í svo svakalegan jólagír... en það var ljúft að sleppa aðeins frá bókunum, get ekki neitað því :o)
En nú er það bara harkan sex í lærdómi þar til að ég tek flugið til Íslands, það nálgast óðfluga, 11 dagar í dag!! Fæ þó smá pásu, þar sem að það er julefrokost á laugardaginn hérna í blokkinni minni og svo er annar julefrokost fyrir bekkinn á flöstudeginum áður en ég kem heim, eins gott að vera stilltur þar svo maður missi ekki af fluginu til Íslands morguninn eftir...
En Rannslan kveður í bili úr taugastrekkjandi próflærdómi

Mugison!

2005-11-26T21:47:00.000+01:00

Jæja það er nokkuð ljóst að það er farið að styttast í jólin! Köben er allavega að komast í jólafílinginn, búið að skreyta fullt í miðbænum, jólaljós út um allt, jólalög í búðum og fullt af fólki í bænum að skoða og kaupa jólagjafir. Fyndið hvað maður fatta þetta einhvernvegin ekkert þegar maður er svona fastur með nefið í bókunum alla daga... en það eru víst að koma jól! Var í bænum áðan með stelpunum að skoða jólagjafir og virða fyrir mér miðbæinn, ekki frá því að maður hafi komist í smá jólafíling :o)
Annars er það hels að frétta að ég fór á alveg magnaða Mugison - tónleika á Vega í gær. Fór með stelpunum sem eru með mér í skólanum ásamt nokkrum krökkum í viðbót, á tónleikunum voru eiginlega bara íslendingar og nóg af þeim, enda búa ekki svo fáir hér í Kóngsins Köben. Tónleikarnir voru hreint út sagt frábærir, Mugison fór alveg á kostum, flaug á hausinn í síðasta laginu og var klappaður 2x upp, gerist sennilega ekki mikið betra. Dreif mig svo bara heim um 12 þar sem að maður var ekki alveg í djammgírnum, lenti í heljarinnar lestarveseni þar sem að ekki ein, heldur 2!!! lestar sem áttu að ganga heim voru bara stopp á Hovedbanen! Frekar fúlt svona, ekki nóg með það, heldur voru engir leigubílar við lestarstöðina og þurftum við því að labba í kulda og trekki út að Ráðuhústorgi og taka leigubíl þar! Get svarið að ég var frosin í gegn, það er nebblega orðið alveg ógeðslega kallt hér í Baunalandi núna...
Annars eru síðustu dagar í kennslu að skella á, og við tekur lærdómur og meiri lærdómur...ekki alveg það skemmtilegasta, er alveg komin með NETT ógeð af þessum skóla í bili, en ég lifi á því að það styttist í að ég komi heim, 21 dagur! :o)

Gengin í barndóm

2005-11-22T21:59:00.000+01:00

Jæja merkilegt hvað maður bloggar orðið sjaldan hér, bloggletnin alvega að fara með mig, eða maður ætti kannski bara að segja að almenn leti herji ámig þessa dagana! Annars róleg og þægileg helgi liðin og skólinn tekinn við aftur, er einhvernvegin ekki mjög upplögð í þennan endasprett sem eftir er af skólanum, farin að telja dagana þar til ég kemst heim í dekrið :o)
Annars er það hels að frétta að Rannslan yngist greinilega bara með hverjum deginum hér í Köben, var allavega að kaupa mér klippikort í lestar og strætó í gær, og var selt barnakort! Erum sko að tala um að það er fyrir 16 ára og yngri... Já þannig að ég ferðast bara á barnakorti þessa dagana! Ekki hægt að segja að ellikellingin sé búin að ná mér ennþá :o)
Var búin að lofa ykkur smá lýsingu á kennurunum mínum, skemmtilega fyndnir karakterar.
Mads sem kennir mér málfræði er yngstur af þeim, ný skriðinn úr skóla og hefur alveg óstjórnlegan áhuga á málfræði, kallar sjálfan sig Málfræðinördið, og ég get alveg tekið undir það... Hann er nú svona í hallærislegri kanntinum í útliti og klæðaburði, reyndar ótrúlega líkur Harry Potter! Oft frekar utanvið sig, greinilega svo mikið að gera í málfræðirannsóknum að það gefst enginn tími til að fara í klippingu, þar sem að hann er kominn með MIKINN lubba, eins og ég segi, Danir eru alltaf í tískunni....En hannmá eiga það að hann er góður kennari og ég skil hann nokkuð vel, fær auka plús fyrir það :o)
Frúin sem kennir mér hljóðfræði heitir Birgitt og er sko búin að kenna þetta fag í 30 ár eða eitthvað... Líkt og Mads þá er þetta hennar líf og yndi, hefur alvega ótrúlegan áhuga á kennslunni, sem kemur sér mjög vel fyrir okkur. Hún er alveg ótrúlega fyndin í útliti, fyri það fysta er hún alveg pínupínu lítil og svo mjó að hún er innfallin, er að meina það...er svona hokin! Svo er hún með alveg rosa þykkt og mikið grátt hár, sem nær akkúrat niður að kjálka, það er svo þykkt að maður sér ekkert framan í hana nema að horfa beint framan á hana, annars sér maður bara gráan hárvegg... Svo er hún oft hlaðin risastórum hringjum og armböndum, klædd í skærgræna jakka og með buxurnar girtar upp að brjóstum og auðvitað með belti til að halda þeim uppi, til að setja punktinn yfir i-ið er hún svo með alveg eldrauð gleraugu, mjög smart!
En það verður framhaldsþáttur í þessum kennaramálum, fáið lýsingu á hinum 2 í næstu færslu...
Rannslan kveður í bili úr tískulandinu...

Ekta Bauni eða hvað!

2005-11-16T18:28:00.000+01:00

Elsku Íslendingar fjær og nær, innilega til hamingju með daginn! Eins og allir alvöru íslendingar vita er 16. nóv dagur íslenskrar tungu og var hann auðvitað haldinn hátíðlegur af Rönnslunni í Köben. Annars hlaut ég mína fyrstu eldskírn sem ekta Dani í dag, hélt fyrirlestur á dönsku fyrir bekkinn með 2 öðrum dönum, og það sem meira er að ég komst lifandi frá því!!! Vona að danirnir hafi að mestu skilið mig, en þeir urðu þó að sætta sig við íslenskar áherslur og framburð þar sem að ekki var séns að Rannslan gæfi það eftir á þessum eðaldegi móðurmálsins! Ekki nóg með að vera búin að halda fyrirlestur á baunamáli heldur kaus ég í gær til borgarstjórnarkostningar hér í Köben. Jájá Rannslan er svo rosalega mikilvægur þegn að hún fékk sennt spes Valgkort (eins og reyndar aðrir danir) stílað á hana. Þannig að í gærkvöldi var sett á sig húfu og vetlinga, þar sem að það er aldeilis farið að vetra hér í danmörku, og brunað á hjólum með 4 dönum úr blokkinni á kjörstað og atkvæði greidd. Hef aldrei á ævi minni séð eins langa kjörseðla, þetta var bara á við hálfa klósettrúllu... 2 stykki takk fyrir, eitt fyrir kommúnuna og svo eitt fyrir landspólitíkina (held ég, ekki alveg með þetta allt á hreinu). Allavega nokkuð ljóst að ég er að verða að ekta Bauna!
Annars lítið að frétta héðan, nema að helgin varð mun skemmtilegri en ég hafði búist við. Var búin að búa mig undir lærdóm og aftur lærdóm, en endaði á óvæntu djammi á föstudag á barnum, og svo eftirpartýi til kl 7 :o)
Laugardagurinn fór svo að mestu í svefn og leti. Um kvöldið var svo skellt sér út að borða á Pitsa Hut og snætt eina bestu pitsu sem ég hef smakka, sjúklega góð alveg. Kíkti svo í bíó á The ledgend of Zorro, bara nokkuð góð mynd.
Annars lítið meir að segja í bili, verð að valda tískulögguaðdáendum mínum vonbrigðum með því að sleppa tískuþættinum í dag. En í staðinn mun ég fljótlega setja inn lýsingu á kennurunum mínum, sem eru margir hverjir frekar skrautlegir í háttum og klæðaburði.

Blogg blogg!

2005-11-09T18:13:00.000+01:00

Jámm sælir lesendur góðir, það er víst nokkuð ljóst að það er kominn tími á blogg þegar "duglegasti" bloggari Danmerkur er farinn að reka á eftir bloggi hjá manni!
Allavega er nú bara allt fínt að frétta hér úr Köben, mestmegnis sama rútínan sem maður lifir þessa síðustu og allra verstu daga, skóli, læra, skóli og læra meira... Annars gerðist ég pössunarpía í síðustu viku og passaði fyrir Evu og Jökul, frábært orðspor mitt var greinilega undarlega fljótt að spryrjast út þar sem að áður en ég vissi af var ég komin með 2 börn í pössun ;o)
Annars uppgötvaði ég flotta verslunarmiðstöð hérna rétt hjá mér á föstudaginn, þegar ég fór með Evu og Jökli í Lyngbystorcenter. Veit ekki alveg hversu gott það er að hafa uppgötvað hana svona snemma, peningarnir verða eflaust fljótir að fara ef ég held mig ekki í hæfilegri fjarlægð... fullt af flottum búðum og sko nóg af skóbúðum handa Rönnslu skófíkli! En síðasti föstudagur ver einmitt svo kallaður J-dagur hér í baunalandi, en það er sá dagur sem að Jólabjórinn frá tuborg kemur á markaðinn, á mínútunni 20:59. Mér skilst að þetta sé einhver svaka partýdagur hér í landi, allavega búið að aulýsa þetta hér um alla borg og margir sem fóru í bæinn að djamma. Ég skellti mér nú bara á blessaðann Kagsaabarinn þar sem að það var rigning og leiðindarveður, en get sko svarið það að það voru færri en venjulega á barnum, og þeir eru nú yfirleitt ekki margir gestirnir þar! Greinilegt að allir skunda í bæinn á þessum degi. Þannig að það var bara tekið því rólega og fengið sér smakk af Jólabjórnum og spilað pool, þar sem ég gjörsamlega RÚSTAÐI lærimeistara mínum 3-0, geri aðrir betur!! Annars verð ég nú að halda uppi heiðri mínum sem tískulögga danmerkur og fræða ykkur um frábæra stígvélanotkun dana, sem er nú alveg sér kafli út af fyrir sig! Sko mér finnst nú allt í lagi að nota regnhlíf og vera kannski í regnjakka þegar er helli rigning, en það er ekki nóg fyrir danina, margir klæða sig upp í heilgalla (bæði regnbuxur og regnjakka) eins og maður gerði á leikskólanum í denn og svo er það greinilega almenn tíska hér að drífa sig í STÍGVÉL þegar það er smá bleyta úti! og þvílík stígvél, svona lág í allavega litum, og það er sko ekkert verið að setja buxurnar yfir svo þetta sé minna áberandi, heldur er þeim bara troðið ofaní!!!! Alveg sérlega smekklegt. Ég fékk sko ekkert smá undarlega augnargot um daginn þegar ég skrapp út á pósthús í adidas sanddölunum mínum í rigningunni, það var bara eins og ég hefið komið frá Mars! Greinilega ekki alveg í rétta fótabúnaðinum, en get sko sagt ykkur að ég myndi ekki láta sjá mig dauða í þessum stígvélum nema í mesta lagi á blautri þjóðhátíð!!
En tískulögga dana kveður í bili, lofa að það verður styttra í næst blogg þar sem að hún Dröfn skoraði á mig að svara einhverjum spurningarlista... Nenni því ekki núna en fer í það næstu daga.
Bless í bili og passið ykkur á dönsku stígvélunum!

Á lífi!

2005-11-01T23:59:00.000+01:00

Já ég er á lífi hér í Köben þó svo að ekkert hafi verið bloggað í rúma viku. Búin að vera einstaklega löt við að blogga og eru aðalástæður þess að mikið er búið að vera að gera í skólanum og svo hef ég þjáðst af ótrúlega mikilli heimþrá síðustu daga, og ákvað bara að sleppa því að blogga svo ég gæti hlíft ykkur við heimþráarvælinu í mér...annars er nú ekki mikið að frétta, nema bara skóli og aftur skóli. Fékk reyndar sendan pakka að heiman með fullt af íslensku nammi, harðfisk, Séð og Heyrt og nýja disknum frá Sálinni, æðislegt að fá svona íslenskar gæðavörur af fróni. Helgin var bara nokkuð róleg, aldrei þessu vant, fór í heimsókn og mat til Evu og Jökuls á laugardag sem endaði með því að Eva dró mig með sér á barinn, eitthvað Hrekkjavökupartý þar í gangi... greinilegt að íbúarnir í minni blogg voru þeir einu sem tóku það alvarlega og mættu uppábúnir á barinn, ég sveikst þó undan að mæta í nornabúning og með skott....Dagurinn í dag var vel nýttur í lærdóm, þar sem skundað var á bókasafnið í morgunsárið og setið og lesið fram á kvöld, ég og Birkir komum svo við á pítsastað á heimleiðinni til að næra útúrlesinn heilann, það væri nú ekki frásögufærandi nema fyrir það að inn á matsölustaðinn kom þessi svaka strákahópur og þar fékk ég en og aftur staðfestingu á sórundarlegri fatatísku dana... Við erum að tala um það að einn strákurinn var í gallabuxum með gullitað risastórt M á rassinum, það var bara eins og einhver hefði málað mcdonalds merkið á rassinn á honum!!! Ég var svo forviða að ég gat ekki hætt að glápa á rassinn á greyið drengnum....þvílík hörmung, vildi eiginlega að ég hefði verið með myndavél, þetta var svakalegt...
Annars lítið meir að frétta, skal reyna að vera duglegri að blogga, búin að fá ófáar skammir undanfarið fyrir bloggleti, annars bið ég bara að heilsa hér úr danaveldi í bili og vona að þið hafið það gott í frostinu á fróni :)

Sønderborg

2005-10-23T17:55:00.000+02:00

Þá er maður komin heim úr fjölskylduheimsókn frá Sönderborg. Þetta var hin fínasta ferð, þó hún hafi reyndar orðið styttri en ég áætlaði þar sem ég kom heim til Köben í gær. Ferðin byrjaði nú á frekar fyndin hátt... Rannslan vaknaði vægast sagt mjög mygluð um hálf átta, hentist í föt og út til þess að ná strætó á lestarstöðina og lest niður á Hovedbanegaard, þegar þangað var komið var keyptur miði, og reynt að finna blessaðan lestarvagninn sem ég átti að sitja í, hafði reyndar klikkað á því að kaupa mér sér sæti þannig að ég ákvað bara að setjast í næsta vagn sem ég fyndi og væri viss um að færi til Sönderborg... Eftir allt þetta stress lagði Rannslan sig í tæpan klukkutíma en náði ekki lengri svefn þar sem að danskt par hafið plantað sér við hliðina á henni með nokkrum látum enda kom það á daginn að þau voru víst enn vel í glasi eftir djamm næturinnar (skulum samt ath að það var fimmtudagsmorgun!). Þegar þau höfðu komið sér ágætlega fyrir, farið úr skónum og flaggað sokkum og rauðnaglalökkuðum tánöglum (Hjördís hefði verið hress með þau), var dregin upp rauðvínsflaska og 2 bleikum og appelsínugulum plastglösum úr Ikea skellt upp á borð, mér var auðvitað boðinn sopi, en hefið þá þurft að drekka af stút þar sem að þau höfðu því miður ekki hugsað fyrir gesti...ég afþakkaði nú pent, þar sem að klukkan var rétt að skríða í 11 fyrir hádegi.... Eftir að hafa skellt í sig nokkrum sopum af rauðvíni byrjaði sögustund fyrir Rönnslu litlu, þau þurftu auðvitað að fræða mig um djamm næturinnar og verðandi djamm, það þýddi lítið að segjast tala lélega dönsku, það fannst þeim bara enn betra, gátu verið í því að kenna mér ýmist slangur og svoleiðis...þannig að ekki var sofið meir í þessari lestarferð! Í staðin var hlustað á rallandi dani, sem drógu upp rauðvínsflösku nr. 2 þegar sú fyrri kláraðist, þannig að klefinn var farinn að anga af rauðvíni... Stelpan samkjaftaði valla og talaði alltaf hærra og hærra, milli þess sem hún endurtók djammsögur næturinnar bauð hún mér rauðvín og skyldi ekkert í því að ég vildi ekki sopa! þannig að það var frekar þreytt og mygluð Rannsla sem mætti fjölskyldunni í Sönderborg upp úr hádegi á fimmtudegi.
Í Sönderborg var að mestu slappað af, verslað smá en skellt sér á eitt fimmtudagsdjamm með Balda frænd, þar voru rifjaðar upp gamlar sögur þar sem að við frændsystkynin höfum ekki hista að ráði í 10 ár... Eitt sem við frændsystkynin vorum aljörlega sammála um er að Danir hafa alveg HÖRMULEGAN tónlistarsmekk! Á fyrsta barnum sem við settumst inn á hljómuðu lög sem voru vinsæl í kring um 1990, fengum m.a. að heyra titillagið í Strandvörðum, hvað er það!! Þannig að við ákváðum að skipta um bar og ath. hvort tónlistin batnaði ekki, en þar var bara sama prógram á fóninum... Reyndar ansi fyndið að þar þurftum við að borga okkur inn, svo þegar við komum inn var skylda að setja jakkan sinn í fatahengið, annars var manni vísað út, og auðvitað þurfti að borga fyrir það, frekar spes svona... En skemmtum okkur kongunglega, sérstaklega þegar við föttuðum að það var eitthvað fest í gangi og bjórinn var frír til miðnættist!
Annars hefur Rannslan bara tekið því rólega eftir að hún kom heim og notið þess að vera í fríi, tók reyndar smá öfundarkast í gær þegar gjörsamlega allir eyjamenn voru að fara á Sálarball í eyjum, bókað fjör á liðinu þar, fékk m.a. mjög skemmtilegt símatal í nótt með góðu tóndæmi frá henni Hjördísi minni... En það verður bara djammað með ykkur um jólin og þrettándann, þar sem að ég var að lesa á síðunni hans Smára Klaka að Vinir Vors og blóma verði að spila í eyjum á þrettándanum, og ekki verður hlustað á neinar afsakanir fyrir að sleppa við djamm þar!!

Kort á flakki

2005-10-19T22:02:00.000+02:00

Fékk ansi skemmtilegt símtal frá Íslandi í morgun, ungur maður sem sagðist heita Aron hringdi til þess að ath hvort það gæti ekki passað að ég hefið týnt kortaveski...Jú það stemmir sagði ég en það er nú reyndar orðið soldið langt síðan...týndi því nebblega á Menningarnótt, en það var víst fyrst núna að koma í leitirnar hjá þeim núna, niðri í kjallara!! Ekki alveg að fatta á hvaða flakki það hefur verið allan þennan tíma...en það virtist allt vera í því, þannig að mamman var send að sækja Kortaferðalanga niður á Gauk...
Annars er þetta búinn að vera hinn fínasti dagur, sofið út í fríinu og var síðan boðin í kaffi hjá Birki nágranna, hann gerðist svo hugaður að ætla að reyna að kenna Rönnslunni að drekka kaffi....Það gekk nú ekki betur en svo að ég var komin í mjólkina eftir einn kaffisopa þannig að Birkir þurfti bara að drekka kaffið sitt einn, ekki alveg sú skemmtilegasta til þess að bjóða í svona fínheit... En fínt kaffiboð engu að síður, fékk meðal annars kennslu í póker og er því klár í næsta pókerkvöld hér á Kagså þar sem tekjurnar verða vonandi eitthvað drýgðar :o)
Seinni partinn var svo farið í erobikktíma hjá Önnu Ósk. Hún var að fá dótið sitt sent frá Íslandi. Bera þurfti rúm, sjónvarp og nokkra kassa upp heilar fimm hæðir og er óhætt að segja að maður hafi verið orðin vel sveittur og heitur eftir það púl. Á morgun er ferðinni heitið til Guðrúnar frænku og fjölskyldu í Sønderborg, sem þýðir 5 tíma lestarferð og fjör. En þar sem að Rannslan er með einsdæmum morgunfersk er planið að drífa sig snemma á stað og vera komin til þeirra upp úr hádegi, hafiði ekki trú á að það takist?
Reikna ekki með að blogga mikið hjá frænku, þó svo að maður fái kannski að kíkja aðeins á netið, þannig að næsti fréttatími verður ekki fluttur fyrr en á Sunnudagskvöld.

Svíþjóð-seinni partur

2005-10-17T01:28:00.000+02:00

Jæja komin úr bíó, og tími til að halda áfram með Svíþjóðarsöguna...
Á laugardeginum skelltum við Smári okkur í góðan hjólreiðatúr um Malmöborg, ég fékk lánaðan bleikan eðalfák með hrútastýri sem gagnast ágætlega á jafnsléttu, en ég er ekki alveg viss um hvort og þá hvernig hann myndi virka í brekkum... En allavega var hjólað um alla borg og byggingar, strendur, hjólabátar, bílastæðahúsið Anna, Malmökastali og margt fleira skoðað. Um kvöldið var síðan skellt sér á djammið með sænskum strák sem býr á kollegíinu hans Smára. Ferðinni var heitið á sænskan Klúbb sem nefnist Chockolate fabrikka og auðvitað var farið á hjólum þó svo að búið væri að innbyrgða nokkuð (mismikið eftir einstaklingum) af áfengum drykkjum. Á súkkúlagðiverksmiðjunni var dansað af miklum móð og bætt aðeins í áfengisbyrgðirnar, það virtist fara eitthvað misvel í fólk, þar sem að Smári þurfti að senda sænska vin sinn heim fremur snemma vegan þess að hann var að deyja í sófanum... Við spurðum hvort hann ætlaði að labba heim að taka leigubíl, en vinurinn var nú ekki á því þar sem að hann ætlaði ekki að skilja hjólið sitt eftir! Guð má tvita hvernig hann og hjólið hafa litið út þegar þau komu heim... En við Smári djömmuðum áfram í verksmiðjunni og ákváðum svo að fara að ráði svíans og hjóla heim á leið... Get ekki sagt að ég ráðleggi fólki að gera það, þ.e.a.s. hjóla undir áhrifum en held þó að við Smári séum sammála um að það sé ansi skemmtilegt... Það gekk bara nokkuð áfallalaust fyrir sig að komast heim fyrir utan SMÁ óhapp, þegar Rannslan áttaði sig ekki á því í tíma að Smári á bláka fáknum sínum væri að fara að beygja og hljólaðu langleiðina upp á böglaberarann hjá honum... Vorum heppin að hrynja ekki í götuna úr hlátri þegar þetta gerðist, god það var allavega mjög erfitt að hjóla aftur á stað vegna máttleysis, en það hafðist þó. Eins og alvöru djammörum sæmir var auðvitað ákveðið að fá sér að snæða áður en lagst væri til svefns og því komið við á Burger King. Þangað komum við inn, skellihlægjandi yfir hjólafærni okkar og uppskárum frekar undarlegar augnargotur frá matargestum, en okkur íslendingunum var náttúrulega alveg sama héldum bara áfram að fíflast, talandi um að það skildi okkur hvort eð er enginn... en heyrum þá bara sagt í röðinni fyrir framan okkur " nú er það ekki?" þar var þá íslenskur strákur með kærustunni sinni. Þetta fannst okkur náttúrulega alveg svaka fyndið og hljógum og hlógum, en þetta átti nú eftir að batna, það leið ekki á löngu þar til enn ein íslensk stelpa birtist í röðinni og við vorum því orðin 5 íslendingar þarna á Burger King, öll að koma heim af djamminu og í miklu stuði...en þó held ég að önnur íslenska stelpan hafi átt svæðið, þar sem að hún hélt að Smári héti Sáli! og svo gjörsamlega HRUNDI hún í gólfið þarna þar sem við stóðum í röðinni (gólfið var soldið sleipt) og ekki einu sinni heldur 2 sinnum á sömu mínútunni!!! Sko við hlógum öll svo ógeðslega mikið að svíarnir sem voru þarna inni voru farnir að færa sig alltaf fjær og fjær, ég hékk gjörsamlega á búðarkassanum þar sem ég gat ekki staðið upprétt og Smári þurfti að setjast við eitthvað borð þar sem að hann gat ekki staðið í lappirnar vegna hláturs, hef sjaldan á ævinni hlegið jafn ógeðslega mikið!!! Er viss um að Svíarnir hafa haldið að við værum í hópferð af Kleppi, svoleiðsi var allavega svipurinn á þeim sem voru þarna inni... En eftir að allir höfði keypt sér að borða var ákveðið að halda í íslendingapartý og borða Burger King borgarana, hvað annað. Þannig að kvöldinu var slúttað í 5 manna íslendingapartýi, með fólki sem maður þekkti akkúrat ekki neitt! Gjörsamlega frábær dagur í alla staði, sem endaði á ennþá skemmtilegri hátt, það verður allavega erfitt að toppa þetta kvöld hvað hlátur varðar, Ég er þó komin á þá skoðun að það sé öruggast að taka með sér hjálm á djammið, bæði fyrir heimferðina á hjólinu og ef ske kynni að maður skellti sér á Burger King, þar sem að gólfin þar geta reynst hættuleg...

Svíþjóðarferð

2005-10-16T20:08:00.000+02:00

Jæja þá er maður kominn aftur heim til Köben eftir vægast sagt frábæra helgi hjá Smára í Malmö. Lagði upp í ferðina á hádegi á föstudegi og var komin til Malmö rúmlega 2, þar sem Smári tók á móti mér og fylgdi mér í græna strætóinn, fynnst frekar fyndið að strætóarnir séu grænir í Svíþjóð, passar eiginlega ekki við þá. Eftir að hafa skilað töksunni upp á Cellsíusgarden þar sem Smári býr var farið í bæjarleiðangur og skoðað í búðirnar í Malmö, mjög áhugavert og verð að segja að ég væri alveg til í að fara í smá verslunarferð yfir til Svíþjóðar, mun skemmtilegra að versla þarna þar sem að það er ekki allt morandi í fólki eins og hér í Köben. Um kvöldið var svo eldað heima og djammað með 2 skiptinemastelpum frá Finnlandi og USA sem búa á sama stað og Smári. Fínt en rólegt kvöld, fórum niður í hverfi sem kallast Möllen og settumst út á bar og fengum okkur bjór með unaðslegum gashitara sem hélt á okkur hita þarna út, mjög sniðugt apparat, ekki má gleyma óborganlega stráknum sem kom hjólandi með risastórann gamaldags ömmu gólflampa með kögri og öllu á BÖGLABERARANUM!! Hvað er það, við Smári hljógum svo ógeðslega mikið að hinum 2 stelpunum sem voru með okkur var hætt að lítast á blikuna, en hver hjóla um Malmöborg með risa gólflampa á böglaberaranum?!? En er farin í bíó, fáið framhald á eftir...

Hausfrí

2005-10-13T19:23:00.000+02:00

Jæja þá er maður kominn í haustfrí, eða tæknilega séð á það ekki að byrja fyrr en í næstu viku, en þar sem að ég er ekki í skólanum á fimmtudögum og föstudögum er haustfríið mitt byrjað! Að það sé komið haustfrí er bæði gott og slæmt, gott þar sem að maður fær frí og það styttist í að maður komi heim til Íslands, en slæmt þar sem að þetta þýðir að önnin er hálfnuð (og mér finnst ég ekki búin að læra neitt svaka mikið) og þar af leiðandi styttist mikið í prófið mitt 3. jan og dönsk ritgerðarskil í lok annar... En Rannslan tók daginn snemma og skellti sér á Svarta demantinn og lærði í allan dag, er alveg þvílíkt stolt af sjálfri sér núna, fyrsti dagur haustfrísins bara tekinn í lærdóm!
Annars held ég að hitastillirinn hér í baunalandi sé eitthvað bilaður, þegar ég var á leið í skólann í morgun, var svoleiðis steikjandi hiti að ég var bara á stuttermabolnum á leiðinni, er ekki örugglega kominn miðjur október?! Annars vor danirnir nú bara samir við sig í úlpunum og vetrarkápunum, það er greinilega bara litið á dagatalið áður en þeir fara út á morgnanna, ekkert verið að gá til veðurs á þeim bæ...
Á morgun er planið að fara yfir til Malmö til hans Smára Jökuls og gera eitthvað skemmtilegt með honum í Svíaríki um helgina. Þannig að þið fáið sennielgar ekkert meir að heyra frá mér fyrr en á sunnudag, nema það sé eitthvað bráðnauðsynlegt...
Bestu kveðjur úr októberhitanum ;o)

Hrollur

2005-10-11T21:51:00.000+02:00

Jæja fór til læknisins í morgun og losnaði við fjandans bómulina úr eyranu, en það kostaði nú samt smá bras. Þurfti að nota einhverja pinna, þar sem að blessuð eyrnatöngin fannst ekki...það virðist greinilega vera mikill skortur á þessum eyrnatöngum hér í Danmörku. Hins vegar tók ekkert voða spennandi á móti mér þegar ég kom heim, skellti mér með þvott í þvottahúsið og þegar þangað kom sá ég að það var búið að girða stórt svæði af fyrir framan nokkrar íbúðir og þar var sjúkrabíll og fullt af löggum. Þegar ég þorði loks að spurja um hvað hefði gerst, fékk ég að vita að það hefði verið framið MORÐ!!! 29 ára stelpa stungin af fyrrverandi kærastanum sínum. Frekar óhugnarlegt, er sko búin að vera með hroll í allan dag og eiginlega ekki fara út úr húsi, rétt þorað út á snúrur með þvottinn minn... Maður er greinilega ekki lengur heima á litla Íslandi...

Ólukkudagur!

2005-10-09T21:47:00.000+02:00

Þetta er aldeilis búinn að vera ólukkudagur í dag svo ekki sé minna sagt! Rannslan náði með einhverri óskyljanlegri óheppni að festa bómul af eyrnapinna inni í eyranu á sér...náði honum enganvegin sjálf úr, þannig að það var farið í heimsókn til þess að fá hjálp...ekki gekk það mikið betur þó að við værum 2 að reyna að ná þessum andsk. bómul út... Þannig að þá var næsta skref að hringja á læknavaktina hér í Herlev, þar fengum við þær upplýsingar að ég ætti að drífa mig niður í Apótek og kaupa mér einhverskonar skolunarvökva....þegar við komum niður í apótek og ætlum að fá vökvan þar segja apótekararnir að ég ætti ekki að setja þetta í eyrað á mér heldur bara fara á læknavaktina og láta þá taka þetta úr, það væri öruggast. Þannig að aftur var brunað af stað niður á sjúkrahús, komst strax að hjá lækninu og sá fram á bjartari tíma þar sem ég áleit að ég væri nú að fara að losna við bómulinn úr eyranu...en neinei, Rannslan var aðeins of bjartsýn get ég sagt ykkur. Læknirinn sem skoðaði mig sagðist ekki hafa réttu töngina hjá sér til þess að ná þessu út, þannig að ég yrði bara að hringja í heimilislækninn minn á morgun og fá hann til að redda þessu. Sko við erum að tala um að læknirinn sem ég fór til vinnur og RISA stóru sjúkrahúsi, þetta er ríkissjúkrahúsið í Herlev og hann gat ekki reddað einni töng!!!! Ekki eins og þetta hafi verið heilsugæslan á Raufarhöfn! Það var Mjög PIRRUÐ Rannsla sem strunsaði út af læknavaktinni áðan get ég sagt ykkur! Þannig að ég þarf að hringja í lækninn minn á morgun milli kl 8 og 9 (eins gott ég er að fara í skólann, þannig að ég vakna pottþétt) og panta mér tíma hjá heimilsilækninum, það er sko eins gott að hann tali ensku! Þannig að núna situr Rannslan heima frekar pirruð yfir danskri læknaþjónustu, og by the way minnið mig á að nota aldrei eyrnapinna á danskri grundu!!!

Stórborgin

2005-10-08T15:53:00.000+02:00

Maður var illþyrmilega minntur á það í vikunni að maður er ekki lengur heima á litla Íslandi. Þegar ég ætlaði að fara að taka lestina heim um daginn eftir lærdóm á bókasafninu og kaffihúsaferð með stelpunum fékk ég ekki að fara inn í Hovedbanegaarden þar sem að verið var að rýma lestarstöðina vegna grunsamlegrar tösku sem haldið var að sprengja væri í. Þetta er víst búið að gerast nokkrum sinnum hér í Köben, maður fékk hálfgerðan hroll þegar maður áttaði sig á því hversu nálægt þetta er núna þegar maður er kominn hingað út...

Annars er vikan að mestu búin að fara í skóla og lærdóm... Fór í gær í alveg frábært íslendingapartý sem stelpurnar sem eru með mér í talmeinafræðinni héldu...Þar var mikil flóra íslendinga í pínulítilli kjallaraíbúð í hliðargötu af Istergade. Það er með sanni hægt að segja að þetta hafi verið mikið fræðingapartý, þar voru talmeinafræðingar, verkfræðingar, stjarneðlisfræðingur, jarðeðlisfræðingur og fullt meir af fræðingum sem ég man ekki í augnablikinu. Fannst annsi skondið að í miðju partýi bankaði fyrri leigjadi íbúðarinnar upp á og fékk að kíkja á stemminguna, var þarna með 2 vinum sínum bara að tékkja á nýju íbúunum, frekar subbulegir danir sem voru sem betur fer fjótir að drífa sig út... En kvöldið var frábært, nóg af íslenskir tónlist í blandi við danska, móhító kokteilar ásamt dönskum öl.
Í kvöld er svo stefnan að skella sér á Kagsaafest sem er nokkurskonar árshátíð íslendinganna sem búa hér á Kagsaakollegíinu, verður án efa mikið stuð þar, enda búin að komast að því að það er sko alltaf stuð þar sem íslendinar eru í Köben!!

Íha!

2005-10-03T18:14:00.000+02:00

Jæja þá er helgin liðin, og grár mánudagurinn tekur á móti manni, greinilegt að það er að hausta hér í baunalandi, hitinn rétt skríður í 15 stig. Annars var afmælisteitið hjá henni Evu alveg hreint út sagt frábært! Komst loks í almennilegt partýstuð, enda verið að djamma með íslendingum, það voru tekin jellískot, kokteilar, neftóbak og þjóðhátíðarlög sett á fónin, þetta bara gerist ekki mikið betra! Það var allavega svo gaman í partýinu að við nenntum ekki í bæinn heldur bara bara djammað heima í íbúð. Sunnudagurinn var nú frekar slappur eftir ósköp næturinnar enda er Rannslan greinilega eitthvað að missa niður djammþolið hér úti í danaveldi... Þar af leiðandi var legið í leti, glápt á norska, sænska, danska og enska raunveruleikaþætt megnið af deginum...Annars sá ég þá allra stærstu og ógeðslegustu könguló sem ég hef á ævi minni séð (með berum augum sko) inni á klósettvegg hjá mér í morgun! Þar sem að það er enginn kallmaður á svæðinu varð Rannslan bara að redda málunum sjálf og sturta hlussunni niður í tojarann...Ég get sko sagt ykkur það að Rannslan hefur sjaldan verið jafn ótrúlega vakandi svona snemma morguns, eins og hún var eftir að hún sá þessa ógeðslegu hlussu!

Niðurringd!

2005-10-01T20:05:00.000+02:00

jæja þá er sólin loks farin í frí hér í danmörkinni, allavega búið að rigna allsvakalega í dag. En Rannslan lét það nú ekki á sig fá og dreif sig niður í bæ að hitta Smárann sem kominn var í djammferð hingað til Köben alla leið frá Malmö. Regnhlífin var bara tekin upp, og skundað af stað. Hún er reyndar orðin eitthvað löskuð greyið eftir daginn, greinilega aðeins gerð fyrir rigningu í logni, en ekki neinar vindkviður eins og voru í dag, alltaf að fjúka upp greyið, mátti valla blása á hana, en elskan dugaði mér nú samt ágætlega í dag, spurning um að kíkja samt eftir einhverri aðeins vandaðri.... Það var frábært að hitta Smárann, fór með honum og skiptinemunum sem voru með honum á Eroticasafnið sem er hér í Köben... og guð minn góður við Smári gjörsamlega töpuðum okkur úr hlátri, vorum byrjuð að tárast strax í anddyrinu á safninu! Allavega mjög góð skemmtun. Eftir safnið var skundað á kaffihús og fengið sér í gogginn ásamt góðu spjalli þar sem talið barst auðvitað að þjóðhátíð, enda ekki skrýtið þar sem 2 vestmannaeyingar tala saman. Hann er svo að fara að djamma í borginni í kvöld með skiptinemunum sem komu með honum, en ég dreif mig heim og kom inn úr dyrunum gjörsamlega niðurringd! En þá er bar a að skella sér í djammfílinginn, þurka sig upp, setja upp andlitið, skella í sig einum köldum öl og kíkja í afmælisteiti til hennar Evu...
Bestu partýkveðjur úr rigningunni í baunalandi

Ryksugupirringur

2005-09-28T23:07:00.000+02:00

Þetta hélt ég að kæmi nú aldrei fyrir mig, að pirrast yfir því að geta ekki ryksugað! En jújú, Rannslan fór í búð í dag og keypti nauðsynleg hreingerningarefni til þess að geta þrifið hjá sér hátt og lágt, enda kominn tími á það fyrir nokkru síðan. Þegar Rannslan kemst loks heim með græjurnar og startar þrifunum er komið vel fram yfir kvöldmat, og þar sem að allt átti nú að vera skínandi hreint og fínt hjá Rönnslunni tóku þessi þrif nokkuð langan tíma. Eins og allir þeir sem hafa gilt vottorð til þrifa vita þrífur maður allt áður en farið er að ryksuga... svo loks þegar Rannslan var búin að strjúka allt og pússa og ætlaði að fara að ryksuga var klukkan eiginlega orðin of margt til þess að hægt væri að bjóða nágrönnunum upp á hið yndisfagra tónverk ryksugunnar... þannig að nú situr Rannslan í skínandi fínu herbergi og bíður morgundagsins til þess að geta sett punktinn yfir i-ið og ryksugað!
Já veit, þetta er nú ekki líkt mér...en getið þá rétt ímyndað ykkur hvað ég hef mikið að gera hér úti...fyrst ég er farin að pirra mig yfir því að geta ekki ryksugað, og ég sem hef aldrei þolað ryksugur!!!

Dönsk áramót?

2005-09-27T23:48:00.000+02:00

Eftir miklar pælingar síðustu daga er Rannslan að komast á þá skoðun að best sé fyrir hana að halda áramótin hér úti í Danmörku. Aðalástæðan er sú að ég þarf að fara í próf 3. janúar!! Í skólanum er prófatími í janúar, og eina prófið sem ég fer í er sett á 3. janúar.... svo er bara frí allan janúar því að kennsla byrjar ekki aftur fyrr en í febrúar, svaka stuð. Ég hef því komist á þá skoðun að það sé betra að halda bara áramótin hér úti, þar sem að ég kemst hvort eð er ekki til Eyja eins og ég hef alltaf gert, og litlar líkur eru á að maður djammi mikið í Reykjavík vitandi að það bíður flugferð til danmerkur og lærdómur eftir manni þegar maður vaknar eftir skemmtun næturinnar. Ég held því bara að ég muni koma hingað út aftur 30. des, læra fyrir prófið, skála í dönsku kampavíni fyrir nýju ári, læra meira, taka prófið og svo reyna að fá ódýrt flug heim á klakann og eyða janúarmánuði heima með ykkur! Annars er samt ekkert ákveðið í þessum málum ennþá.... Get ekki alveg ímyndað mér hvernig verður að halda áramót annars staðar en í eyjum, hvað þá hér úti í Baunalandi...
p.s. er byrjuð að safna fyrir flugi heim í janúar og eru öll framlög vel þegin.... :)

Afmæli

2005-09-26T23:18:00.000+02:00

Vil óska elskulegri systur minni henni Höllu Ósk innilega til hamingju með afmælisdaginn! Litla systir er nú orðin 19 ára gella, Knús og kossar úr baunalandi dúllan mín ;o)

Danir

2005-09-25T16:41:00.000+02:00

Ég get nú bara ekki orða bundist yfir því hvað danir eru hallærislegir! Fór í þetta blessaða nýbúapartý í gær sem haldið var fyrir allt Kollegíið. Skulum athuga það að það var ekkert búningaþema en maður hefði nú alveg geta haldið að það hafi átt að vera, þvílíkur klæðnaður á sumu þessu liði! Danir virðast líka vera fastir í tónlist 9. áratugarins! Skemmti mér ágætlega við að virða gesti partýsins fyrir mér, vona að ég verði ekki orðin svona eftir 4 ár í danaveldi...

Næturferð

2005-09-24T21:10:00.000+02:00

Er alltaf að sjá það betur og betur hvað það er hentugt að hafa pöbbinn hérna í næsta húsi :) Nýtti mér það í nótt, þegar Eva og Jökull komu hér við hjá mér upp úr hálf tvö, á leið heim úr innflutningspartýi hjá vinum sínum. Við vorum ekki lengi að ákveða að skella okkur í einn kaldan fyrir svefninn úti á pöbb. Þar var spjallað við barþjón frá Chile, færeying og einn bauna meðan ölinu var rennt niður. Svo sefur maður auðvitað alltaf miklu betur eftir að hafa innbyrgt einn næturöl :)

Heitt og gott

2005-09-23T18:08:00.000+02:00

Það var aldeilis sofið vel í nótt, enda var gærdagurinn vel nýttur. Fyrri parturinn var notaður í lærdóm, þar sem að blessað málfræðiverkefnið var klárað og lesið aðeins upp (öruggast að tilkynna hvað maður er duglegur að læra, svona fyrir mömmu og Hjördísi...), farið niður í skóla og verkefninu skilað, borguð gomma af peningum fyrir blessaða líffræðibókina sem loksins var komin. Þá var haldið heim á leið og drifið sig yfir til Jökuls og Evu að hjálpa þeim við að flytja. Þar voru svo borðaðar dýrindis skinkuormapítsa og chillifrikadellapítsa (án efa skrítnustu pítsur sem ég hef fengið) og þessu auðvitað skolað niður með ísköldum bjór. Síðan var setið á spjalli fram á kvöld og fengið sér smá gammeldansk í stóru tána...
Annars var ég að frétta af einhverju kuldakasti heima á fróni, get látið ykkur vita að hér er enn 20 -22 stiga hiti og sól, einstaklega notarlegt að hjóla um á stuttermabolnum í blíðunni, þannig að það er ekkert því til fyrirstöðu að þið pantið ykkur ferð hingað út í sólina til mín... :)

Afmæli

2005-09-21T17:45:00.000+02:00

Ef það er eitthvað danskt lag sem ég kann núna þá er það danski afmælissöngurinn! Ég er búin að vera tæpar 3 vikur í skólanum og það eru 3 búnar að eiga afmæli, september greinilega afmælismánuður dana. Sú sem á afmæli kemur svo alltaf með eitthvað nammi handa öllum bekknum og svo syngja allri þennan svaka langa afmælissöng fyrir afmælisbarnið, og þá líður mér alltaf eins og ég sé komin aftur á leiksóla, get svarið það...
En fyrst við erum að tala um afmæli þá átti hún Hjördís vinkona afmæli í gær, fær hér bestu afmælisóskir, las á síðunni hennar að dagurinn hefði verið frábær þó svo að það hafi vantað mig... sem er gott, maður er þá ekki ómissandi :)
En aðalástæður fyrir miklu bloggleysi undanfarið er að Rannslan hefur verið niðursokkin í danska málfræði, vonandi að það sé að kvikna eitthvað ljós þar, er komin með alveg nóg í bili. En best að fara að klára blessaða málfræðiverkefnið sem á að skila á morgun...

Búningapartý

2005-09-18T20:22:00.000+02:00

Hvað er málið með dani og búninga þegar kemur að partýum. Var í partýi í gær hér í blokkinni til þess að bjóða alla nýbúa velkomna og þar mætti helmingurinn í hinum furðulegustu búningum! Það voru 2 hjúkkur á svæðinu, ein lögga, 1 sadómasógella, öryggisvörður sem breyttist síðar um kvöldið í dragdrottningu og svo var ein frönsk kók light gella.... Er farin að hallast að því að þetta fylgi partýmenningunni hér...
Annars var kvöldið mjög skemmtilegt, hér búa greinilega allraþjóða kvikindi þannig að í gær var töluð danska, íslenska og enska, mjög alþjóðlegt eitthvað. Enduðum á kollegíbarnum hér í Kagsaa, kemur sér vel að hann er við hliðina á blokkinni minni. Gott að vera búin að kynna sér aðstæður þar sem að það á víst að vera svaka partý þar næstu helgi fyrir alla nýbúa kollegísins.
Annars hefur dagurinn að miklu leyti farið í eintóma leti og sjónvarpsgláp, týbískur þynnkudagur :)

Úbbs

2005-09-16T14:55:00.000+02:00

Úbbs gleymdi að klukka!
Búið að klukka svo marga bloggara sem ég þekki (þekki nú ekki marga) en klukka Smára Svíþjóðarfara, Hjalla, Hönnu Guðnýu, Óla Jóa og Laugu!

Klukk!

2005-09-16T14:35:00.000+02:00

Jæja búin að fá upplýsingar um hvernig þessi klukkleikur virkar, þannig að hér koma 5 stykki af usless upplýsingum um mig:

1. Ég hef alltaf verið frekar lofthrædd, sérstaklega í stigum. Það tók t.d. mikið á að labba upp stigana í effelturninum í París um árið með Írisi og Hjördísi... En þetta er nú samt að lagast með aldrinum, held samt að álversvinnan mín í sumar hafi bætt þetta svakalega þar sem að þar var ég klifrandi upp og niður langa og mjóa stiga í skipunum, held ég sé bara næstum laus við lofthræðsluna...

2. Ég elska kisur en er hins vegar ekki eins hrifin af hundum. Ég gæfi mikið fyrir að geta haft hjá mér eina litla hér úti í danmörku. Það má reyndar hafa gæludýr hér á Kollegíinu en ég gæti ekki tekið hana með heim um jól og sumur, og þekki engan enn sem komið er sem væri til í að taka hana í fóstur í fríum...

3. Ég á alveg ótrúlega auðvelt með að sofna hvar og hvenær sem er, ef ég er þreytt er ekkert mál fyrir mig að sofna sitjandi á stól og ég sofna nær undantekningarlaust strax þegar ég legst á koddan, ekki mikið koddaspjall á þessum bæ, þá er ég löngu sofnuð.... Sef líka yfirleitt mjög fast, hef svarað í símann og talað við fólk án þess að muna eftir því, eða um hvað ég var að tala...

4. Ég er alveg hörmulegur kokkur, enda var það mottó mitt að ná mér í einhvern kokk áður en ég myndi flytja að heiman. Það tókst ekki, en vona að einhver kunni að elda hér á Kollegíin sem ég get troðið mér upp á, get vaskað upp í staðin. Mér hefur tekist að brenna pítsu sem ég átti að fylgjast með í ofninum (heimabakaða pítsan hennar Hjördísar, hún var ekki mjög ánægð), mér tókst líka að klúðra því að sjóða vatn, það er víst frekar erfitt að klúðra því, en tókst það samt...

5. Er algjör matargikkur, borða ekki kartöflur (nema franskar), ekki ost (nema bræddan á pítsu og samlokur), ekki tómata, ekki fisk (nema harðfisk, rækju og humar), og margt margt annað. Það er t.d. ekkert langt síðan ég byrjaði að borða papriku, lauk og svoleiðis, borðaði einu sinni bara kál og gúrku-ekkert annað grænmeti. Er samt aðeins að koma til...

Morgunvakning

2005-09-16T10:28:00.000+02:00

Shit hvað það er ekki þægilegt að vera vakin kl 8:30 á föstudagsmorgni, þegar maður má sofa út og hefur verið að hanga á netinu langt fram á nótt kvöldið áður. Kom hér kall í morgun til þess að lesa af mælunum á ofnunum, var búin að fá einhverja tilkynningu um þetta en auðvitað búin að steingleyma þessu... Þannig að það tók mjög mygluð og þreytt gella, með sína frægu morgunhárgreiðslu (þið þekkið þetta sem hafið séð mig nývaknaða) á móti greyið manninum sem kom til að lesa af... Hann var hinn hressasti og bauð góðan dag, en ég sá að hann bjóst ekki alveg við svona mikilli morgunmyglu hjá einni manneskju...Z...ZZ...ZZZ...

Kaffihúsahittingur

2005-09-16T01:17:00.000+02:00

Ohh var að koma heim frá kaffihúsahittingi inni á Kongens nytorv, þar sem við íslensku stelpurnar sem erum í talmeinafræðinni hittumst yfir bjór. Þetta var nú frekar fyndið, þekkjumst ekkert en gjörsamlega spjölluðum á okkur gat (ef hægt er að segja það), gaman að heyra í þeim sem eru komnar lengra og geta miðlað smá reynslu til okkar nýgræðinganna... en annars var best að komast aðeins út, fá sér einn stórann Carlsberg Classic og spjalla á íslensku!
Á morgun verður svo farið á kynningu í skólanum og sennilega haldið í eitthvert teiti um kvöldið sem tutorarnir okkar ætla að halda fyrir okkur, þannig að morgundagurinn lofar góðu...

Rigning

2005-09-15T17:44:00.000+02:00

Jahérna held ég þurfi að fjárfesta í regnhlíf! Það er búið að vera fínasta veður hér í dag, nema það koma af og til skúrir, og þá engir venjulegir skúrir heldur hellidemba! Ég sem ætlaði að skella mér í hjólatúr og skoða mig um, það er spurning hvort maður hættir sér út...

Annars var ég að henda inn örfáum myndum í gær af skólanum, ætla að reyna að setja fleiri inn í dag, ef ég nenni...

Hei hei

Spes danir

2005-09-14T00:52:00.000+02:00

Hversu furðulegt er að segja Heij þegar maður hittir einhvern og Heij Heij þegar maður kveðjur! Danir eru sko alveg sér á báti...

En lenti í því að labba inn í vitlausa íbúð í kvöld, frekar vandræðalegt. Var svo upptekin við að tala í síman þegar ég var að labba yfir til Evu og Jökuls í mat, að ég fór upp vitlausan stiga og labbaði inn í ókunnuga íbúð. Var fljót að biðjast afsökunar og drífa mig út, veit ekki hvað aumingja konan hefur haldið! En íbúarnir hér að Kollegíinu verða bara að gjöra svo vel og fara að venjast því að Rannslan er flutt á svæðið, getur stundum verið svoldið utanviðsig...

FLUTT INN!

2005-09-12T23:24:00.000+02:00

Haldiði ekki bara að Rannslan sé flutt inn í herbergið sitt á Kagså Kollegíinu!!! Fékk lyklana afhenta í dag eftir að ég kom heim úr skólanum. Þannig að það var ekkert annað að gera í stöðunni en að bruna í Ikea og kaupa rúm, skrifborð og hillur, heim aftur og flytja allar töskurnar og farangurinn frá Jökli og Evu yfir í herbergið MITT, skrúfa saman húsgögn, stinga ísskápnum í samband (verst að eiga ekki til bjór til að stetja í kæli), og nettengja tölvuna. Þið verðið að viðurkenna að þetta gerist nú ekki mikið betra!
Rannslan svífur allavega á rósrauðu skýi eins og er, þar til hún finnur könguló...

Flutningar

2005-09-11T15:10:00.000+02:00

Loks nennir maður að setjast niður og blogga eitthvað smá héðan úr baunalandi! það er gjörsamlega búið að vera crasy að gera hjá mér hér síðustu daga... Skólinn byrjaður fyrir alvöru og þar er sko ekkert elsku mamma takk fyrir, heldur er bunað á mann námsefni og meira segja byrjað að tala um prófafyrirkomulag!!! hvað er það eiginlega?? maður er rétt svo að átta sig á því að maður sé búinn í sumarfríinu og sestur á skólabekk að nýju, danir greininlega svona bráðlátir, get nú samt ekki sagt að þeir séu mjög skipulagðir!
Fyrir utan það að það sé brjál að gera í skólanum hef ég verið að flytja á milli hverfa hér í Köben, og sé fram á frekari fluttning á næstu dögum... Er núna flutt inn til Evu og Jökuls á Kagsaa kollegíet í Herlev. Þau voru svo elskuleg að leyfa mér að gista hjá sér með allt mitt hafurtask, sem er nú ekki lítið, þar til ég fæ herbergið mitt hér á kollegíinu. Var að frétta á föstud. að ég fengi það sennilegast á morgun! :)
Fyrir utan allt þetta eru líka búinn að vera svakalegur gestagangur, Bryndís, Eva og Erla komu til Köben á þriðjudag og fara heima á morgun. Er nú ekki búin að ná að hitta þær jafn mikið og ég vildi en náði þó að taka smá djammrúnt með þeim á fimmtudag og kíkja í búðir á þriðjudag með þeim. Pabbi kom svo hingað á fimmtudag til þess að fara á fund í vinnunni. Get ekki sagt annað en að ég held ég eigi allra besta pabba í heimi! Hann gerði sér bara lítið fyrir og leigði sér bílaleigubíl til þess að geta farið með mér í búðir og versla inn húsgögn í herbergið mitt! Við versluðum reyndar ekki húsgögn á fimmtudaginn, en skoðuðum bara og völdum það sem ég ætla að kaupa eftir að ég fæ herbergið. En tækjapabbi splæsti auðvitað í ísskáp og sjónvarp með dvd-spilara handa litlu stelpunni sinni, alveg æðislegur, TAKK TAKK pabbi!
Svo fór helgin í það að djamma, hvað annað... fór í upp í sveit með bekkjafélögunum í smá skólaferðalag, gistum í stórri hittu. Þar var djammað frá föstudegi til sunnudags, getu nú samt ekki sagt að danir séu mjög sterkir djammarar, en þetta var samt ágætt. Íslenski djammarinn hafði hljótt um sig og fylgdist með djammtöktum dananna og reyndi að taka sem mest inn af djammtaktík. En get ekki sagt að það hafi verið dýrt að djamma þarna þar sem að bjórinn kostaði 30 kr ísl, og skotið 50 kr... Þema helgarinnar var vörubílstjórar þannig að við vorum allar klæddar sem sveittir og ógeðslegir trukkadriverar, með hár á bringunni, órakaðar í framan og viðbjóðslegum kallasvitalyktaeyði var sprautað yfir alla, svo voru snæddir hamborgarar með klámblað í annarri og öl í hinni, vona að ég geti sett inn myndir svo þið fáið að sjá stemmarann á liðinu...
En best að fara að ljúka þessu, er á leið að hitta Bryndísi og co, ætlum að borða saman í kvöld og fá okkur nokkra öl þar sem að þær skvísur eru á leið heim á klakann snemma í fyrramálið, uuuhuuu uuuhhhuuu... veit að það verður erfitt að kveðja þær... en ég treysti bara á ykkur hin að drífa í að plana ferð hingað út til mín!
Bjórkveðjur úr Köben :)

Á lífi!!

2005-09-03T16:31:00.000+02:00

Loksins komst ég í netsamband, en tid verdid af afsaka ad tad er ekki íslenskt lyklabord hér! Tá er ég komin til Danmerkur, ferdin gekk bara vel, tó svo ad ég hafi verid med 36,8 kiló af farangri plús eitt stykki hjól! Geri adrir betur... Ég gisti til ad byrja med hjá gømlum hjónum sem pabbi kannast eitthvad vid, ég hef aldrei séd tau ádur. Tau búa í bæ fyrir utan kaupmannahøfn sem heitir Ishøj, eru mjøg inndæl en tala enga ensku! tannig ad tad er sko mikid buid ad reyna á danska heilabúid mitt tessa sídustu daga. Get ekki sagt ad ég sé sleip í dønskunni, rugla henni mikid saman vid týskuna mína sem ég notadi úti í austurríki um árid. En ég skil tó svona ef talad er hægt og ég get horft framan í fólkid...sem er sko ekki alltaf mjøg audvelt, en tetta hlýtur ad koma med tímanum. Tad eru búnir ad vera kynningardagar í skólanum, tar sem vid sem erum ad byrja í talmeinafrædinni erum búin ad fá kynningu á øllu náminu, skólanum og bara flest øllu sem vid turfum ad vita, tad eru 5 stelpur á ødru ári sem sjá um tessa kynnisdaga, verst ad madur skilur ekki mjøg mikid. Tad eru reyndar 2 íslenskar stelpur med mér í bekk, sem er MJØG gott :) Tetta er algjørt stelpufag, en tad eru 2 kallar med okkur, já kallar teir eru sko vel yfir 30 bádir...

Nú ætla ég ad leyfa ykkur íslendingunum adeins ad øfundast ut i mig, tar sem ad tad er sko buid ad vera frábært vedur hér sídan ég kom, sól og blída allan tíman, madur er ad stikkna í kvarttbuxum og stuttermabol, 22-25 stig. Vonandi ad tetta verdi svona eitthvad áfram, verst ad ég skildi øll strandarføtin eftir heima. Svo held ég bara ad sambúd mín med danska bjórnum gangi nokkud vel, hef allavega ekki enn upplifad bjórlausan dag í baunalandi... :) Bjórinn á kaffihusinu í skólanum kostar 100 kr íslenskar... tannig ad ekki er madur ad fara á hausinn vid ad fá sér adeins í adra tánna...

Í gær fór ég á mitt fyrsta danska djamm, eftir skólasetninguna fórum vid krakkarnir í talmeinafrædinni saman út ad borda og svo var kíkt á barinn á eftir... tetta var bara nokkud fínt, tó ad tetta hafi ekki verid neitt íslenskt djamm. Turfti líka ad taka lestina heim um hálf tólf tar sem ad tær hætta ad ganga kl hálf eitt, turfti svo ad taka leigubíl heim af lestarstødinni tar sem ad strætóinn minn hætti ad ganga kl 9!!! Greinilega ekki gert rád fyrir neinu helgardjammi í tessum bæ...

En segji tetta gott i bili, tid fáid betri frettir af mér tegar ég kemst í netsamband í minni tølvu, og kannski nokkrar myndir med ef Hjørdís verdur elskuleg ad hjálpa mér ad setja tær inn ;)
Bestu kvedjur frá Baunanum

Síðustu tímarnir

2005-08-29T17:27:00.000+02:00

Þá er runninn upp síðasti dagurinn á fróni í langan langan tíma, og alveg klikkað að gera hjá mér. Djammið á laugardaginn var í einu orði frábært! Góður stemmar hér á Langholtsveginum, kjóllinn dreginn fram og mátaður, hringt á dominos til þess að panta bíl í bæinn, nokkrar fleygar setningar úr Nýju lífi æfðar, rætt um atvinnumöguleika í minnkabúi.... Þegar í bæinn var komið var tekinn trylltur dans á celtic með FRÁBÆRUM trúbardor sem spilaði allt sem við skvísurnar báðum um, enda átti Bryndís í miklum erfiðleikum með að draga okkur þaðan. Á leiðinni á Hressó var svo gæinn í fallega 70´s skíðagallanum myndaður í bak og fyrir með aðalmódelum gengisins, einnig hringt nokkur símtöl við mismikla ánægju þeirra sem hring var í. Á Hressó var dansað af sér rassgatið, hitt gamla vestmannaeyinga, ásamt reykjavíkurliði, tekinn einn pöbbarúntur með Dröfn, þar sem kúbufarinn tönglaðist á því að hún ætlaði sko að skrifa um það í blöðin að við hefðum ekki fengið inngöngu á Rex, bíð spennt eftir þeim pisli. Aftur skundað á Hressó og dansað meira, sópað út með ruslinu og drifið sig heim með leigubíl, án þess að þurfa einu sinni að koma nálægt leigubílaröðinni :) greyið leigubílstjórinn þurfti að hlusta á mig alla leiðina tönglast á því að hann væri riddarinn á hvíta hestinum... var svo glöð að hafa sloppið við röðina.
Á sunnudegi var risið mjög seint úr rekkju og þrifið eftir partý næturinnar. Um kvöldið haldið í kveðjuleiðangur á pöbbana og kvatt skólafélaga og aðra skemmtilega vini, þar sem tekin voru loforð af mönnum um að mæta fljótt til Köben til þess að djamma með Rönnslunni. Í dag hefur allt verið á milljón, reddleiðangrar um allan bæ og pakkað og pakkað í töskur, skil ekki alveg hvernig ég á að komast með þetta allt út.... Í kvöld er planið að fara út að borða með ma og pa, knúsa 2 bestustu bless og vonandi ekki fara mjög seint að sofa þar sem að ég þarf að vakna upp úr 5 til þess að bruna á völlinn, það verður sennilega gífurlegur ferskleiki sem mætir mönnum í afgreiðslunni á vellinum...

Vonandi líður ekki mjög langur tími þar til ég kemst á netið næst, en þangað til segi ég bara bless elskurnar mína, verið hress, ekkert stress og bless bless!

Brjálað að gera!

2005-08-27T21:23:00.000+02:00

Það verður að segjast að þessi dagur hefur verið nokkuð vel nýttur, engin leti á þessum bæ. Vaknaði um 11 í sól og blíðu austur í bústað, vel út hvíld og tilbúin að takast á við átök dagsins...Eftir að hafa skellt í sig morgunverði og knúsað alla bless, var brunað í borgina því það var nokkuð margt sem átti eftir að gera fyrir kvöldið.
Eftir stutt hvíldarstopp á Langholtsveginum var haldið í innkaupaleiðangur, snyrtidót, matur og snakk fyrir kvöldið, og ekki mátti gleyma að koma við í mjólkurbúðinni. Þar voru gerð svakaleg innkaup, átti í erfiðleikum með að bera djös. körfuna, og samt er ég nú nokkuð mössuð enda lyftaragella! Þegar komið var að kassanum tók ekki betra við. Ég rogast að kassanum með báðar hendur fullar (búin að fara í byggt og búið og bónus þannig að það var ekki bara vín...) og þar afgreiddi mig einhver gjæi af sólheimum eða eitthvað, alla vega að deyja úr hamingju með lífið og fer að spyja mig hvort ég sé að fara á svaka fyllerí, og ég get svarið það held hann hafi sungið fyrir mig upphæðina sem ég þurfti að borga fyrir búsið, það vakti ekki neina svaka lukku hjá mér þar sem að sú upphæð var vægast sagt mjög HÁ! Var fegin að sleppa þarna út og burt frá greyið stráknum, eins gott ég hitti hann ekki í kvöld, hann gæti fengið einn á hann...
Eftir þessar raunir þurfti auðvitað að koma við í fleiri búðum þar sem ekki fékkst allt í bónus... Að þessu loknu var svo skellt sér í einn lampatíma til þess að reyna að má út sólbrúnkuFÖR sumarsins, svo hægt væri að vera fínn um kvöldið.
Nú er klukkan hálf átta og ég ekki enn farin í sturtu, hvað þá farin að græja eitthvað til fyrir þetta blessaða partý... en þetta hlýtur að allt að reddast eins og venjulega.

En eitt er á hreinu, ÞAÐ VERÐUR DJAMMAÐ Í KVÖLD! :)

Helgin hafin!

2005-08-26T19:09:00.000+02:00

Jæja þá er síðasta helgi mín á klakanum í langan tíma gengin í garð. Var að koma heim eftir síðasta vinnudaginn minn í álverinu, ekki laust við að maður eigi eftir að sakna misskrýtinna vinnufélaga þegar maður verður komin út til Danmerkur, en ég kem vonandi aftur til þeirra næsta sumar, ef þessar elskur vilja fá mig...
En nú er bara verið að pakka niður í smá tripp austur í bústað þar sem amma og afi ætla að halda smá kveðjuveislu fyrir Rönnslu, uummm grill og bjór, það verður ljúft. Svo verður bara brunað í bæinn á morgun, farið í ríkið og undirbúningur fyrir aðalpartýið settur í fullan gang. Ekki laust við að það sé komin smá tilhlökkunarfiðringur í magan, alltaf gaman þegar djamm er framundan :)

En verð að fara að finna mig til, mamma og pabbi farin að reka á eftir mér, þið verðið róleg í kvöld svo þið hafið úthald í að djamma með mér á morgun, þið vitið að það þarf nokkuð gott úthald til þess að halda í við mig :)

Partý Partý

2005-08-26T02:33:00.000+02:00

Jæja þá er lítur fyrsta partýtilkynningin dagsins ljós hér á síðunni (vonandi verðar þær nokkrar, kannski þó á dönsku).

Blásið verður til veislu og hátíðarhalda fyrir fræga og fallega fólkið, semsagt ykkur, á Langholtsvegi 147 næstkomandi laugardag. Þetta verður mitt síðasta djamm á klakanum í LANGAN tíma og má því búast við miklu stuði hjá partýhaldaranum. Eitthvað áfengi verður í boði hússins, en ætlast er til að fallega og fræga fólkið sé það múrað að það geti að einhverju leyti splæst í vín fyrir sig og sína, einnig er verið að spara fyrir danska bjórnum, öll framlög eru vel þegin :)
Gleðin hefst upp úr kl 21:00, hressleiki er skilyrði fyrir inngöngu og munið að fyrstir koma fyrstir fá....áfengi!

Fyrir þá sem hafa planað eitthvað annað þetta kvöld minni ég á að hafa símana með sér því að þeir skulu ekki láta sér detta í hug að þeir sleppi við að djamma með mér og knúsa mig bless, heldur mun ég hafa upp á þeim í bænum!

Fallega og fræga fólkið er vinsamlegast beðið um að láta mig vita í kommentakerfinu hvort það komi, eða hvort ég þurfi að leyta að því í miðbænum á laugardagsnóttina...over and out!

Nau nau nau

2005-08-25T01:17:00.000+02:00

Hvað haldiði að hafi gerst! Rannslan neyddist til að trana sér fram hér í blogheiminum.

Þar sem áætlað er að flytja búferlum til Kaupmannahafnar og hefja þar sambúð með danska bjórnum var þessi afdrifaríka ákvörðun tekin svo vinir og vandamenn gætu fylgst með.

Hér fáið þið að heyra allt það helsta sem mun gerast hjá henni í Köben þó eitthvað verði nú látið liggja milli hluta.

Lofið henni að vera dugleg að kommenta svo hún sakni ykkar ekki jafn mikið.

Jæja elskurnar mínar þá er komið að því að kveðja í þessum fyrsta netpistli... en munið bara.. ÉG ER MEÐ LYFTARAPRÓF!